काठमाडौँ । नामिविया विरुद्ध नेपालमै हुने आइसीसी विश्व क्रिकेट लिग डिभिजनको खेलका लागि नेपाली टिमको अन्तिम घोषणा गरिएको छ ।
आईसीसीको निर्देशन अनुसार गठन गरिएको तीन सदस्यीय छनोट समितिले पारस खड्काको कप्तानीमा १४ सदस्यीय खेलाडीको घोषणा गरिएको हो। विश्व क्रिकेट लिग च्याम्पियनसिपमा नामिवियविरुद्ध नेपालले वैशाख ४ र ६ गते कीर्तिपुरस्थित त्रिभुवन विश्वविद्यालयको मैदानमा हुने प्रतियोगिताका लागि घोषणा गरिएको टोलीको उपकप्तान ज्ञानेन्द्र मल्ल रहेका छन्।
टिममा राजु रिजाल, नरेश बुढा ऐर, शरद भेषवाकर, सोमपाल कामी, बसन्त रेग्मी, शक्ति गौचन, सन्दीप लामिछाने, करण केसी, सुशन भारी, राजेश पुलामी मगर, विनोद भण्डारी रहेका छन् ।
त्यस्तै चार बैकल्पीक खेलाडी चयन गरिएका छन् । बैकल्पिक खेलाडीमा विक्रम शोव, दिपेन्द्र ऐरी, प्रेम सुनार र अनिल मण्डल रहेको स्रोतले जनाएको छ ।
प्रकाशितः २०७२ चैत्र २५
वि.सं.२०७२ चैत २५ बिहीवार १३:०२ मा प्रकाशित
