चितवन । जिल्लाको रत्ननगरमा हिजो बिहीबार भएको केरा किसानको वार्षिक साधारणसभामा नेपाल राष्ट्र बैकका गभर्नर डा चिरञ्जीवी नेपालले सरकारले एक सय अर्ब रुपैयाँको पुनरोद्धार कोष ल्याउन लागेको जानकारी दिएका छन् ।
उनका अनुसार, नाकाबन्दी, भूकम्प लगायतका विभिन्न कारणले समस्यामा परेकाको उद्धारका लागि सरकार, निजी क्षेत्र र दातृ निकायको साझेदारीमा कोष ल्याउन लागेको हो । कोषमार्फत व्यवसायको उद्धारका लागि १० करोडभन्दा कम लगानीका व्यवसायीलाई चार प्रतिशत सहुलियत ऋण उपलब्ध हुनेछ ।
कृषिको व्यवसायीकरण र विकासका लागि विगतमा १२ अर्ब बजेट निकासा हुँदै आइरहेकोमा अहिले २१ अर्ब पुर्याएको जानकारी पनि उनले दिए।
२६ चैत २०७२, ८.००
वि.सं.२०७२ चैत २६ शुक्रवार १०:४१ मा प्रकाशित
