काठमाडौं । राष्ट्रिय योजना आयोगले संकृति पर्यटन तथा नागरिक उड्ययन मन्त्रालय मन्त्रालयलाई आर्थिक वर्ष ०७३ / ७४ का लागि ३ अर्ब ७३ करोड रुपैयाँको बजेटको सिलिङ दिएको छ ।
आयोगले मन्त्रालयलाई चालू तर्फ ३ अर्ब १९ करोड र पुँजीगततर्फ ५४ करोड रुपैयाँको सिलिङ दिएको पर्यटन सचिव प्रेम राईले जानकारी दिए
त्यसैगरी, वित्तीय सहायतातर्फ ११ अर्ब रुपैयाँ बजेटको व्यवस्था भएको मन्त्रालयले जनाएको छ । तर, सो सहायतालाई बजेटको सिलिङमा उल्लेख हुँदैन ।
आयोगले मन्त्रालयलाई मन्त्रालयलाई पुँजीगत बजेटका लागि तोकेको सिलिङ चालु आर्थिक वर्षकोभन्दा २२ करोड रुपैयाँले बढी हो । चालु आवमा मन्त्रालयले ३२ अर्ब रुपैयाँ पुँजीगत बजेट पाएको थियो । पुँजीगत बजेट भनेको प्रशासनिक कार्यमा खर्च हुने बजेट हो ।
तर, पूर्वाधार विकासमा खर्च गर्नुपर्ने चालु बजेटको सिलिङ भने यो आर्थिक वर्षकोभन्दा घटाइएको छ ।
प्रकाशितः २०७२ चैत्र २७
वि.सं.२०७२ चैत २७ शनिवार १२:२० मा प्रकाशित
