काठमाण्डौ । बेरोजगारी अन्त्य तथा दक्ष जनशक्ति निर्माणका लागि धार्मिक र सांस्कृतिक प्रवद्र्धन गर्ने उद्देश्यले चन्द्रागिरी नगरपालिकास्थित चुन्देवी, चन्नेपाटीमा ‘चलखेल’ बजार सुरु भएको छ ।
युवाको विदेश पलायन रोक्न र आर्थिक विकासको लक्ष्यसहित विभिन्न १० वटा सटरबाट यो बजार सुरु भएको हो । बजारको हिजो शनिबार उद्घाटन गर्दै चन्द्रागिरी नगरपालिका कार्यकारी प्रमुख गोविन्दप्रसाद पाण्डेले आर्थिक र सामाजिक विकासमा बजारको स्थापनाले भूमिका खेल्ने विश्वास व्यक्त गरे ।
कार्यक्रममा सांस्कृतिक संस्थानका महाप्रबन्धक राजेश थापा, नेपाल हस्तकला सङ्घका विभागीय प्रमुख सुष्माराज भण्डारी लगायतले शुभकामना दिए । बजारका प्रमुख वसन्तकुमार खत्रीले स्थानीय बलम्बु टोल र अन्य स्थानमा पनि युवा स्वरोजगारीका लाग प्रवद्र्धनात्मक र सांस्कृतिक कार्यक्रम गरिने जानकारी दिए ।
२८ चैत २०७२, १.००
वि.सं.२०७२ चैत २८ आइतवार १३:४२ मा प्रकाशित
