नुवाकोट । नुवाकोट जिल्लामा स्थापित भई राष्ट्रिय साहित्यमा विशेष योगदान गर्दै आएको नुवाकोट साहित्य प्रतिष्ठानले बैशाख ३ गते नुवाकोटको बटारमा राष्ट्रिय कविता महोत्सव आयोजना गर्ने भएको छ ।
विशिष्ट कवि तथा साहित्यकारको उपस्थिति रहने उक्त कविता वाचन समारोहमा देशभरिबाट २० जना उत्कृष्ट कवि तथा साहित्यकारको कविता छनौटमा परेको आयोजक समितिका संयोजक तथा प्रतिष्ठानका अध्यक्ष श्रीराम श्रेष्ठले जानकारी दिएका छन् ।
महोत्सवमा सहभागीता जनाउनका लागि देशभरबाट १ हजारभन्दा भन्दाबढि कविताहरुले प्रतिष्पर्धामा आफुलाई उभ्याएपनि अन्तिम प्रतिस्पर्धाका लागि २० कविता छनौटमा परेका हुन् । राष्ट्रिय ख्यातिप्राप्त कवि एवं साहित्यकारहरु सम्मिलित एक निर्णायक मण्डलले विभिन्न जिल्लाका २० कवितालाई अन्तिम छनौट गरेको हो ।
आयोजक नुवाकोट जिल्लाबाट मात्रै पनि ८० भन्दा बढि कविता प्रतिस्पर्धाका लागि दर्ता भएका थिए । तर अन्तिममा नुवाकोटबाट कवि शिवप्रसाद नेपालको कवितामात्र प्रतिस्पर्धाका लागि छनौट हुनसक्यो ।
बैशाख ३ गते बटारको तेक्वाण्डो कभर्ड हलमा आयोजना हुने कविता महोत्सवमा विशिष्ट कविहरु डा. खगेन्द्र लुइटेल, डा. गार्गी शर्मा, सरुभक्त, श्रवण मुकारुङ सम्मिलित निर्णायक मण्डलले ती २० बाट उत्कृष्टलाई छनौट गर्नेछ ।
उक्त महोत्सवमा सहभागी ३ उत्कृष्ट कविताले नगद सहित आकर्षक पुरस्कार पाउनेछन् । प्रज्ञा प्रतिष्ठानले वर्षेनी आयोजना गर्ने कविता प्रतियोगीतामा प्रथम हुनेले २५ हजार रुपैंया नगद पाउनेछन् । महोत्सवमा सहभागी सबै कवि एवं साहित्यकारहरुलाई मायाको चिनो र प्रमाणपत्र प्रदान गरिने आयोजकले जनाएको छ ।
प्रतियोगिताको सम्पुर्ण तयारी पुरा भएको आयोजकले जनाएको छ ।
अन्तिम छनौटमा रहेका प्रतिस्पर्धिहरुको लिष्ट देहायबमोजिम रहेको छ :–
वि.सं.२०७२ चैत २९ सोमवार ११:०६ मा प्रकाशित
