back

आन्तरिक पर्यटकको नयाँ गन्तव्य, मुस्ताङ : चैते दशैंमा मात्रै ११ हजार पुगे

मुस्ताङ । पर्यटन सिजन सुरु भएसँगै मुस्ताङका होटल आन्तरिक पर्यटकले भरिभराउ भएका छन् ।   यस वर्ष हिउँ र वर्षा कम भएका कारण चैत महिनादेखि नै पर्यटकको आवागमन बढेपछि जिल्लाका होटल अग्रिम बुकिङ हुन थालेका हुन् ।

अनुकूल मौसमका समय मुस्ताङमा पोखरा–जोमसोम हवाई मार्गबाट समेत पर्यटक भ्रमणमा जाने गरेका छन् । फागुन अन्तिम सातादेखि असोज महिनासम्म मुस्ताङ भ्रमणका लागि उपयुक्त सिजन मानिन्छ ।

माटोको सहर लोमान्थाङ, तिब्बती कला संस्कृति, मुक्तिनाथ, कागबेनी, दामोरकुण्ड र फरक भू–बनोटका कारण मुस्ताङमा यो सिजनमा हजारौँ आन्तरिक पर्यटक पुग्ने गरेका छन् ।   गत वर्ष चैत महिनासम्म पनि बेमौसमी हिमपात भएका कारण कम पर्यटक भित्रिए पनि यस वर्ष मौसमले पनि साथ दिएको मुस्ताङका पर्यटन व्यवसायी खगेन्द्र तुलाचनले बताए।

अन्नपूर्ण संरक्षण क्षेत्र आयोजना (एक्याप)ले जिल्लामा भित्रिने आन्तरिक पर्यटकको तथ्याङ्क सङ्कलन नगरे पनि बाह्य पर्यटकभन्दा दोब्बर आउने गरेको जनाएको छ ।   खासगरी पछिल्लो तीन वर्षयता नेपालीमा बिदा, चाडपर्व र विशेष अवसरमा घुम्ने संस्कृतिको विकास भएका कारण जिल्लाको पर्यटन क्षेत्र अहिले आन्तरिक पर्यटककै भरमा सञ्चालन हुँदै आएको छ ।

‘नेपाली विदेशीजस्तो हरेक कुरामा बार्गेनिङ गर्दैनन्, पहिला हामी सेतो छाला गरेको मान्छेलाई मात्र पर्यटक भन्थ्यौँ’, मुस्ताङ उद्योग वाणिज्य सङ्घका अध्यक्षसमेत रहेका तुलाचनले भने, ‘तर, अहिले यहाँको अवस्था बदलिएको छ, धेरै दिन अघिदेखि नै हाम्रा होटल बुकिङ भइरहेका छन् ।’ नयाँ वर्ष मनाउन र चैतेदसैँ पर्वको अवसरमा मात्रै बेनी हुँदै ११ हजार पर्यटक कागबेनी र मुक्तिनाथ पुगेको अनुमान गरिएको छ ।

गत वर्षको चैतेदसैँ पर्वमा विनाशकारी भूकम्पको त्रासका कारण कागबेनीमा पितृतर्पण गर्न एकदमै न्यून मात्रामा धार्मिक पर्यटक भित्रिए पनि यस वर्ष भने त्यसमा उल्लेख्य रुपमा सुधार आएको बताइएको छ । ‘लेतेदेखि माथि मुक्तिनाथसम्म करिब १५० होटल सञ्चालनमा छन्, चैत महिनादेखि अहिलेसम्म कुनै दिन खाली छैनन्’ तुलाचनले भने, ‘एकदमै राम्रो व्यापार भइरहेको छ।’

६ बैशाख २०७३, ११।००

वि.सं.२०७३ वैशाख ६ सोमवार ११:०९ मा प्रकाशित

You can share this post!

लुम्बिनीमा एकै साथ हजारौ दक्षिण कोरियाका विद्यार्थीद्वारा दर्शन (फोटोफिचर)

लुम्बिनीमा एकै साथ हजारौ दक्षिण कोरियाका विद्यार्थीद्वारा दर्शन (फोटोफिचर)

वि.सं.२०७९ माघ २३ सोमवार ०८:४९

भैरहवा । गौतम बुद्धजन्मस्थल लुम्बिनीमा दक्षिण कोरियाका भिक्षु पोम्न्यू सुनिमको...

लामीडाँडा बिमानस्थलमा उडान नहुँदा दर्जनौं होटलमा लाग्यो ताला

लामीडाँडा बिमानस्थलमा उडान नहुँदा दर्जनौं होटलमा लाग्यो ताला

वि.सं.२०७९ माघ २० शुक्रवार ०८:१०

खोटाङ । खोटाङको लामीडाँडा बिमानस्थलमा उडान बन्द हुँदा दर्जनौं होटल...

नेपालगन्जमा वेष्टर्न ट्राभल मार्ट तथा सेल्स मिशन शुरु, दुवै देशको पर्यटन प्रर्वद्धनमा सहयोगी हुने विश्वास

नेपालगन्जमा वेष्टर्न ट्राभल मार्ट तथा सेल्स मिशन शुरु, दुवै देशको पर्यटन प्रर्वद्धनमा सहयोगी हुने विश्वास

वि.सं.२०७९ माघ १५ आइतवार १७:४५

काठमाडौं । पश्चिम नेपालका महत्वपूर्ण पर्यटकीय गन्तव्यहरुको राष्ट्रिय तथा अन्तर्राष्ट्रिय...

पर्यटकीय गन्तव्य बनाउन दाम्राङ पोखरीको संरक्षण गर्दै दोर्दी गाउँपालिका

पर्यटकीय गन्तव्य बनाउन दाम्राङ पोखरीको संरक्षण गर्दै दोर्दी गाउँपालिका

वि.सं.२०७९ माघ १४ शनिवार १०:५०

लमजुङ । दोर्दी गाउँपालिकाले जिल्लाको पूर्वी भेगमा रहेको पर्यटकीय दाम्राङ...

प्राधिकरणले दियो ३ जना पाइलटलाई निलम्बन गर्न निर्देशन, यस्तो छ कारण !

प्राधिकरणले दियो ३ जना पाइलटलाई निलम्बन गर्न निर्देशन, यस्तो छ कारण !

वि.सं.२०७९ माघ ९ सोमवार १७:०८

काठमाडौं । नेपाल नागरिक उड्डयन प्राधिकरणले तीनजना पाइलटलाई कारबाही गर्न निर्देशन...

पर्यटकलाई लक्षित गर्दै पर्यटक गाइड तालिम

पर्यटकलाई लक्षित गर्दै पर्यटक गाइड तालिम

वि.सं.२०७९ पुस २८ बिहीवार १२:५१

खोटाङ । हलेसी तुवाचुङ नगरपालिकाले त्रि–धार्मिकस्थल हलेसीमा आउने पर्यटक तथा...