काठमाण्डौं । सरकारले बैदेशिक रोजगारीमा रहेका नेपालीहरुको लगानीमा निर्माण हुने भनिएको ‘रेमिट हाइड्रो’लाई छिट्टै उत्पादन अनुमति दिने भएको छ । सरोकारवालाहरुले दबाब दिएपछि उर्जा मन्त्रालय अन्तर्गतको विद्युत विकास विभागले छिट्टै नै अनुमतिपत्र दिने बताएको हो ।
संसदको कृषि तथा जलस्रोत समितिका सभापति गगन थापाले समितिको बैठकमा रेमिट हाइड्रोलाई किन उत्पादन अनुमतिपत्र नदिएको भन्दै उर्जा मन्त्रालय र विद्युत विकास विभागका अधिकारीहरुसँग कारण मागेका थिए । मन्त्रालय र विभागका कर्मचारीहरुले प्रक्रियामा रहेको जवाफ दिए । त्यसपछि थापाले तत्कालै अनुमतिपत्र प्रदान गर्न निर्देशन दिए ।
ताप्लेजुङको घुम्छा र थिङ्वा जलविद्युत आयोजनाहरुमा जलविद्युत विकास कम्पनीको ५१ प्रतिशत लगानी रहने छ भने २४ प्रशित सेयर लगानी विदेशमा रहेका नेपालीले गर्ने भएकाछन् ।
६ चैत २०७३, ३.००
वि.सं.२०७३ वैशाख ६ सोमवार १६:१६ मा प्रकाशित
