काठमाण्डौं । अख्तियार दुरुपयोग अनुसन्धान आयोगले पत्रकार कनकमणि दीक्षितलाई थप १० दिन हिरासतमा राख्न अनुमति दिएको छ।
शुक्रबार ३० दिन ‘म्याद थप’ का लागि विशेष अदालत, काठमाडौंमा दर्ता गराएको निवेदन उपर सुनुवाई गर्दै न्यायाधीश मोहन रमण भट्टराई, प्रभा बस्नेत, महेश प्रसाद पुडाशैनीको इजलासले १० दिन म्याद थप गरेको हो।
दीक्षितको स्वास्थ्य अवस्थामा सुधार नभएको र उनलाई निरन्तरको चिकित्सकको निगरानीमा राखिरहनुपर्ने भएपछि अदालतमा उपस्थित गराइएको थिएन। दीक्षितको वीर अस्पतालमा उपचार भइरहेको छ।
अख्तियारका तर्फबाट सरकारी वकिल र अख्तियारका वकिलहरुले बहस गरेका थिए भने दीक्षितका तर्फबाट अधिवक्ताहरु सतिसकृष्ण खरेल, शम्भू थापा, गोविन्द वन्दी लगायतले बहस गरेका थिए। अदालतले १० दिन म्याद थपको अनुमति दिँदै उनका कानुन व्यवसायीलाई पनि भेट्नू भनेको छ।
१३ बैशाख २०७३, ८।००
वि.सं.२०७३ वैशाख १३ सोमवार १०:५३ मा प्रकाशित
