काठमाण्डौं । नेपाली सेनामा २२ सय जनाका लागि भर्ना खुलेको छ । आज बुधबार एक सूचना जारी गर्दै सेनाको भर्ना छनौट निर्देशनालयले सैन्य जवान, ड्राइभर, फलोवर्स लेखा जमल्दार लगायतको २ हजार २ सय १४ जनाका लागि दरखास्त मागेको हो ।
जंगी अड्डा अन्तरगत मात्र विभिन्न ४ सय ४२ जनाका लागि दरखास्त आह्वान गरिएको छ । विभिन्न पदका लागि छुट्टा- छुटै योग्यताहरु निर्धारण गरिएका छन् ।
सेनाले सैन्य जवान पदनमा १ हजार ५ सय ७५ जना माग गरेको छ । यस्तै अमल्दार बन्दोबस्ती कार्य सिपाही, कुचिकार, ड्राइभर, लोहार, धोबी, केशकर्तक, वेटर, टहलुवा, चर्मकर्मी, सिकर्मी, सयस लगायत पदमा पनि सेनामा जागिर खुलेको छ ।
यी पदमाहरु आवदेन दिन जेठ १३ गतेसम्मको सीमा दिइएको छ । सैन्य जवानका लागि कक्षा ८ पास अनिवार्य गरिएको छ भने अन्य विभिन्न सीपमूलक पदहरुमा सामान्य लेखपढ गर्न जान्नेले पनि आवेदन दिन सक्नेछन् ।
१५ बैशाख २०७३, ११।००
वि.सं.२०७३ वैशाख १५ बुधवार ११:५८ मा प्रकाशित
