back
NMB ad

वित्तीय स्थायित्वप्रति केन्द्रीय बैंक प्रतिबद्धः गभर्नर

Kumari bank ad

काठमाडौँ । नेपाल राष्ट्र बैंकका गभर्नर डा चिरञ्जीवी नेपालले निजी, सार्वजनिक एवम् वैदेशिक लगानीलाई प्रोत्साहित गर्न राष्ट्र बैंक प्रतिबद्ध रहेको बताउनुभएको छ ।

नेपाल राष्ट्र बैंकको ६१ औँ वार्षिकोत्सव समारोहलाई सम्बोधन गर्दै गभर्नर नेपालले यसका लागि बैंकका सरोकारवाला सबैलाई सकारात्मक र सहयोगी भूमिका निर्वाह गर्न अनुरोध पनि गर्नुभयो ।

उहाँले प्राकृतिक प्रकोप, राजनीतिक सङ्क्रमणकाल र आपूर्ति व्यवधानका कारण आर्थिक तथा वित्तीय क्षेत्रको व्यवस्थापन निकै जटिल बनेपनि सरकार र राष्ट्र बैंकले अपनाएका विभिन्न नीतिगत उपायले गर्दा समग्र आर्थिक व्यवस्थापन नियन्त्रण बाहिर नगएको बताउनुभयो ।

गभर्नर नेपालले वित्तीय क्षेत्रसँग सम्बन्धित ऐनलाई समयसापेक्ष बनाउने तयारी भइरहेको जानकारी दिँदै परिमार्जनका क्रममा नेपाल राष्ट्र बैंक ऐन, २०५८ व्यवस्थापिका–संसद्मा पेस भएको, बैंकिङ कसुर तथा सजाय ऐन, २०६४ को संशोधनको प्रस्ताव र बैंक तथा वित्तीय संस्थासम्बन्धी ऐन, २०६३ लाई प्रतिस्थापन गर्न बनेको नयाँ विधेयक संसद्मा छलफलमा रहेको जानकारी दिनुभयो ।

पछिल्ला घटनाक्रमले गर्दा मुद्रास्फिति नियन्त्रण गर्ने कार्य चुनौतीपूर्ण बनेको स्वीकार्दै उहाँले भन्नुभयो, “आव २०७२–७३ को आठौँ महिनामा वार्षिक बिन्दुगत उपभोक्ता मुद्रास्फिति १०.१२ प्रतिशत छ ।” उहाँले चालु आवमा कृषि तथा गैरकृषि क्षेत्र दुवैको वृद्धिदरमा कमी आउने जानकारी दिनुभयो । गभर्नर नेपालले भन्नुभयो, “बन्द, हड्ताल र आपूर्ति अवरोधका कारण चालु आवमा उद्योग तथा सेवा क्षेत्रको वृद्धिदर पनि सीमान्त मात्र रहने देखिन्छ ।”

नेपाल बैंकर्स सङ्घका अध्यक्ष उपेन्द्र पौडेलले भूकम्प, नाकाबन्दीजस्ता थुप्रै घटना भए पनि मुलुकको बैंकिङ क्षेत्र अझै सुदृढ रहेको बताउनुभयो ।

कार्यक्रममा पूर्व गभर्नर डा भेषबहादुर थापा, गणेशबहादुर थापा, सत्येन्द्रप्यारा श्रेष्ठ, डा तिलक रावल, दीपेन्द्रपुरुष ढकाल, विजयनाथ भट्टराई, दीपेन्द्रबहादुर क्षेत्रीलाई पनि उहाँहरुको योगदानको कदर गर्दै सम्मान गरिएको थियो ।

कार्यक्रममा बैंकका वरिष्ठ डेपुटी गभर्नर चिन्तामणि शिवाकोटी, राकेशकुमार श्रेष्ठ, कर्मचारी सङ्घका पूर्व अध्यक्ष भोलाराम श्रेष्ठ तथा विभिन्न कर्मचारी युनियनका प्रतिनिधिलगायतले पनि मन्तव्य व्यक्त गर्नुभएको थियो ।

सो अवसरमा गभर्नर नेपालले नेपाल राष्ट्र बैंकका प्रथम गभर्नर हिमालय शमशेर जबरालाई विशेष सम्मान गर्नुभयो ।

प्रकाशितः २०७३ वैशाख १५

वि.सं.२०७३ वैशाख १५ बुधवार १४:०७ मा प्रकाशित

You can share this post!

आजको मौसम : यी स्थानमा हुरीबतासको चेतावनी   

आजको मौसम : यी स्थानमा हुरीबतासको चेतावनी   

वि.सं.२०८१ वैशाख ९ आइतवार ०६:४३

काठमाडौँ : हाल मुलकमा पश्चिमी वायु र स्थानीय वायुको आंशिक...

सुनकोसी मरिण डाइभर्सन निर्माण अन्तिम चरणमा: सुरुङ खन्न एक सय १० मिटर बाँकी   

सुनकोसी मरिण डाइभर्सन निर्माण अन्तिम चरणमा: सुरुङ खन्न एक सय १० मिटर बाँकी   

वि.सं.२०८१ वैशाख ९ आइतवार ०६:२०

रमेश लम्साल काठमाडौँ, ८ वैशाख : राष्ट्रिय गौरवको आयोजनाका रुपमा...

राहुघाटमा निर्माणाधीन पाँच जलविद्युत् आयोजना अन्तिम चरणमा   

राहुघाटमा निर्माणाधीन पाँच जलविद्युत् आयोजना अन्तिम चरणमा   

वि.सं.२०८१ वैशाख ९ आइतवार ०६:१४

म्याग्दी : म्याग्दीको रघुगङ्गा गाउँपालिका भएर बग्ने राहुघाटमा सञ्चालित पाँच...

पाथीभरामा एकैदिन छ हजार बढी भक्तजन   

पाथीभरामा एकैदिन छ हजार बढी भक्तजन   

वि.सं.२०८१ वैशाख ९ आइतवार ०६:०९

फुङ्लिङ : ताप्लेजुङस्थित प्रसिद्ध तीर्थस्थल पाथीभरा (मुकुमलुङ)मा आज एकैदिन छ...

आज ९ बैशाख २०८१ आइतवार, यस्तो छ आजको राशिफल

आज ९ बैशाख २०८१ आइतवार, यस्तो छ आजको राशिफल

वि.सं.२०८१ वैशाख ९ आइतवार ०६:०३

मेष मेष (चु, चे, चो, ला, लि, लु, ले, लो,...

वीरगञ्ज भन्सारद्वारा आठमहिनामा एक खर्ब १४ अर्ब राजस्व सङ्कलन   

वीरगञ्ज भन्सारद्वारा आठमहिनामा एक खर्ब १४ अर्ब राजस्व सङ्कलन   

वि.सं.२०८१ वैशाख ८ शनिवार १३:२२

पर्सा, ८ वैशाख : वीरगञ्ज भन्सार कार्यालयले चालु आर्थिक वर्षको...