काठमाडौँ । प्रेस काउन्सिलद्वारा कार्वाही जारी राखिएका दिपक पाठकलाई प्रेस काउन्सिलकै बोर्ड सदस्य नियुक्त गरिंदै छ । प्रधानमन्त्रीको ठाडो निर्देशन पछि शनिबार बिदाको दिनमा पनि संचार मन्त्रालय खुला राखी नियुक्तिको काम तिब्र गतिमा अघि बढाइएको हो । ठगि, किर्ते, चेक बाउन्स लगाएतको मुद्धामा जिल्ला र सर्वोच्च अदालतद्वारा काउन्सिलको उक्त कार्वाही सदर गरिएका पाठक नेपाल प्रहरीको फरार सुचिमा छन् ।
गत हप्ता सन्चार मन्त्री र सचिवद्वारा आ-आफ्नो कार्यकक्षबाट गेट आउट भनिएका आफ्नै गाउँले पाठकलाई प्रधानमन्त्री ओलीको पुरस्कारस्वरुप सरकारको तर्फबाट सवा नौ लाख नगद दिनैपर्ने र नियुक्त पनि नगरी नहुने कडा निर्देशन थियो । साता ब्यापी जेनेभाको भ्रमण एवं कार्यक्रममा शनिबारै राति जाने तयारीमा रहेका संचार मन्त्री शेरधन राई काउन्सिल सदस्य टुंग्याएर मात्र जाने तयारीमा छन् ।
बिबादित मानिसलाई सदस्य नबनाउने मन्त्री राईको अडान प्रधानमन्त्रीको आदेशका समू टिक्न नसकेको स्रोतको दाबी छ । मन्त्रीले ओली निकटका नेता शंकर पोखरेल मार्फत पनि उपयुक्त पात्र नभएको संदेश पठाएका थिए, स्रोतले भन्यो प्रधानमन्त्री कन्भिन्स नभएपछि बाध्यताबस नियुक्ति गरेर जेनेभा जाने तयारीमा मन्त्री राई रहेका छन् ।
पाठक संगै नियुक्त हुने अन्य सदस्यमा गोविन्द चौलागाइँ र शुभेच्छाबिन्दू तुलाधर रहेका छन् ।
१८ बैशाख २०७३ / ५:२४:२४
वि.सं.२०७३ वैशाख १८ शनिवार १७:३५ मा प्रकाशित
