back
NMB ad

बन्यो अत्याधुनिक ‘वेदर स्टेसन’, विमान दुर्घटना कम हुने विश्वास

Kumari bank ad

म्याग्दी । जिल्लाको घार गाविस–१ घोडेपानीमा मौसमी अवस्थाको जानकारी दिने अत्याधुनिक उपकरण जडित ‘वेदर स्टेसन’ स्थापना भएको छ ।

समुद्री सतहदेखि दुई हजार ८०० मिटरको उचाइमा रहेको घोडेपानी डाँडाको एक घरमा जोमसोमतर्फ फर्काएर राखिएको स्वचालित क्यामेराले खिचेको दृष्य इन्टरनेटमार्फत अवलोकन गर्न सकिने भएको छ ।

तारा एयर प्रालिले पोखरा–जोमसोम हवाईमार्गमा पर्ने घोडेपानी क्षेत्रको मौसमी अवस्थाको बारेमा जानकारी प्राप्त गर्न दुई हप्ताअघि वेदर स्टेसन स्थापना गरेको हो । सो प्रविधिमार्फत पोखरा, जोमसोम, काठमाडौँमा बसेरै घोडेपानी क्षेत्रको मौसमको अवस्था अवलोकन गर्न सकिने तारा एयरका प्रबन्धक भीमराज राईले बताउनुभयो ।

उहाँका अनुसार पोखरा–जोमसोम हवाई यात्रालाई सुरक्षित बनाउन तथा उडानका लागि सावधानी अपनाउन जापानको ‘वेदर न्युज’ संस्थाको सहयोगमा प्रविधि जडान गरिएको हो । “पोखरा–जोमसोम उडानका लागि घोडेपानी क्षेत्रको आकाशमा मौसमको अवस्था कस्तो छ भनेर जानकारी लिन प्रविधिले सहयोग गरेको छ”, राईले भन्नुभयो “त्यहाँको मौसमको बारेमा बुझेर मात्र उडान गर्न थालिएको छ ।”

कुहिरो लागेको, पानी परेको, आकाश खुले नखुलेको बारेमा तत्कालै सूचना पाउन सकिन्छ । घरको छतमा जडान भएको स्वचालित वेभ क्यामेराले खिचेका दृष्य प्रत्यक्ष देखिन्छ । पोखरा–जोमसोम हवाई यात्राका क्रममा म्याग्दीको घोडेपानीदेखि मुस्ताङको सिमानासम्मको मौसमको अवस्थाका बारेमा पूर्व जानकारी नहुँदा उडान भर्न समस्या हुने गरेको थियो ।

त्यस क्षेत्रको आकाशको मौसम छिटोछिटो परिवर्तन हुने गर्छ । चौबीसै घन्टा उपकरण चालु रहने व्यवस्था मिलाइएको घोडेपानीका बासिन्दा जुनबहादुर पुनले बताउनुभयो । जोमसोम र पोखरा विमानस्थलको टावरसँग सम्पर्क नहुने भएकाले १५ मिनेटको उडानमा जहाज घोडेपानीदेखि मुस्ताङको लेतेमाथिको आकाशमा नपुग्दासम्म पाँच मिनेट सम्र्पकविहीन हुने गर्छन् ।

२०७२ फागुन १२ गते पोखरादेखि जोमसोमका लागि उडेको तारा एयरको ट्विनअटर विमान म्याग्दीको दाना गाविस–२ सोलीघोप्टेमा दुर्घटना भएको थियो । म्याग्दी र मुस्ताङ जिल्लाको सिमानामाथिको आकाशमा कुहिरो लागेको अवस्थामा पोखराबाट उडेको जहाज पहाडमा ठोक्किएर दुर्घटना हुँदा २३ जनाको ज्यान गएको थियो ।

२२ बैशाख २०७३, १०।००

वि.सं.२०७३ वैशाख २२ बुधवार १२:१७ मा प्रकाशित

You can share this post!

पुल अलपत्र बनाउने निर्माण कम्पनी कालोसूचीमा   

पुल अलपत्र बनाउने निर्माण कम्पनी कालोसूचीमा   

वि.सं.२०८० चैत १५ बिहीवार २१:२७

म्याग्दी, १५ चैत : मुस्ताङको थासाङ गाउँपालिकाको कैकु र लार्जुङखोलाको...

सरकारले तोक्यो चैते धानको मूल्य   

सरकारले तोक्यो चैते धानको मूल्य   

वि.सं.२०८० चैत १५ बिहीवार २१:२३

काठमाडौँ, १५ चैत : सरकारले चैते धानको समर्थन मूल्य तोकेको...

करका दरमा एकरुपता कायम गर्न अध्ययन गर्ने सरकारको तयारी   

करका दरमा एकरुपता कायम गर्न अध्ययन गर्ने सरकारको तयारी   

वि.सं.२०८० चैत १५ बिहीवार २१:१९

काठमाडौँ, १५ चैत : सरकारले करको दरमा एकरुपता कायम गर्नका...

होटललाई उद्योगको मान्यता दिन व्यवसायीको माग   

होटललाई उद्योगको मान्यता दिन व्यवसायीको माग   

वि.सं.२०८० चैत १५ बिहीवार २१:१३

काठमाडौँ, १५ चैत : उद्योगी व्यवसायीले होटल क्षेत्रलाई उद्योगसरह कानुनी...

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर   

एमडिएमएसमा अनियमितता : दुई पूर्व अध्यक्षसहित बीस जनाविरुद्ध मुद्दा दायर   

वि.सं.२०८० चैत १५ बिहीवार २१:०८

काठमाडौँ, १५ चैत : अख्तियार दुरुपयोग अनुसन्धान आयोगले नेपाल दूरसञ्चार...

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

वि.सं.२०८० चैत १५ बिहीवार १६:२५

काठमाडौं । सिद्धि हाइड्रो कम्पनी लिमिटेडले आईपीओ निष्काशन गर्ने भएको...