काठमाण्डौं । अरुण काबेली हाइड्रो पावरले स्थानीय वासिन्दाका लागि सेयर निष्कासन गरेको छ । पाँचथर र ताप्लेजुङका बासिन्दाका लागि १५ कित्ता सेयर निष्कासन गरिएको हो ।
यो १५ लाख कित्ता मध्ये पाँचथरका तीन गाविस र ताप्लेजुङ चार गाविसका बासिन्दाका लागि ६ लाख कित्ता सेयर छुट्याइएको छ । बाँकी नौ लाख कित्ता सेयर दुबै जिल्लाका स्थानीय वासिन्दाले भर्न पाउँने छन् । पाँच वर्ष स्थायी बसोबास गरेका बासिन्दाले मात्रै सेयर भर्न पाउने प्रावधान राखिएको छ ।
पाँचथरका आयोजना प्रभावित क्षेत्र नागी, थर्पु र अमरपुर गाविसका बासिन्दाले र ताप्लेजुङका साब्लाखु, सिनाम, थुम्बेदिन र चाक्सिबोटे गाविसका बान्सिदाले ६ लाख कित्ता सेयर पाउँछन् ।
जेठ ३ देखि १७ गतेसम्म स्थानीय वासिन्दाले सेयरका लागि आवेदन दिन पाउँछन् । प्रतिकित्ता एक सय रुपैयाँको दरले न्युनतम ५० कित्ता र अधिकमत १० हजार कित्तासम्म आवेदन दिन पाइने छ । सिद्धार्थ क्यापिटल यो सेयरको विक्री प्रबन्धक हो ।
लगानीकर्ताले अरुण काबेली पावर लिमिटेडको कार्यालय थापाथली, सप्तकोशी डभेलपमेन्ट बैंक फिदिम, फरवार्ड कम्युनिटी माइक्रोफाइनान्स रविराँके पाँचथर, फिदिम र ताप्लेजुङमा आवेदन फारम बुझाउन पाइने छ ।
कुल एक अर्ब ५० करोडको अरुण काबेली पावर लिमिटेडको यो आयोजनमा सस्थापक समूहको एक अर्ब पाँच करोड रुपैयाँ लगानी छ । १५ करोड स्थानीय वासिन्दा र बाकी ३० करोड रुपैयाँको सेयर सर्वसाधारणका लागि छुट्याइएको छ ।
अरुण भ्याली हाइड्रो पावर समूहको प्रमुख लगानी रहेको यो आयोजनामा दुई वटा जलविद्यूत कम्पनीकै लगानी छ । गुरु प्रसाद न्यौपाने अध्यक्ष रहेको यो कम्पनीमा अरुण भ्याली हाइड्रो पावरको ३६ करोड रुपैयाँ, अपी पावरको पाँच करोड र तीन करोड ५५ लाख रुपैयाँ लगानी छ ।
२६ बैशाख २०७३, ११।००
वि.सं.२०७३ वैशाख २६ आइतवार १२:१७ मा प्रकाशित
