फेसबुकको फेसप्रिन्ट फिचरका कारण कम्पनीले कानुनी कारवाहीको सामना गर्नु परेको छ।
फेसबुकमा भएको अटोमेटीक फोटो ट्याग सुविधाका कारण कम्पनीले समस्या भोग्नु परेको हो ।यो सुविधा कानुनी रुपमा उचित नभएका कारण कम्पनीले कारवाहीको सामना गर्नुपरेको अन्तर्राष्ट्रिय समाचार माध्यमले जनाएका छन्।
कम्पनीले प्रयोगकर्ताको फोटोबाट बायोमेट्रिक डाटा गैरकानुनी रुपमा स्टोर गरेका कारण यस्तो समस्या भोग्नु परेको जनाइएको छ।
कम्पनीले यो मुद्दालाई खारेज गर्न अपिल गरेका र क्यालिफोर्नियाका फेडरल जजले यो अपिल नै खारेज गरेका छन्।
फेसबुक फोटो ट्याग गर्न फेसप्रिन्टको साहयता लिन्छ जसले गर्दा प्रयोगकर्तालाई फोटो ट्याग गर्न सहज हुन्छ।
यसका बारेमा कम्पनीको डाटा पोलिसीमा उल्लेख गरिएको कम्पनीले जनाएको छ।
प्रकाशितः २०७३ वैशाख २७
वि.सं.२०७३ वैशाख २७ सोमवार ११:५३ मा प्रकाशित
