काठमाण्डौं । एनएमबि माइक्रोफाइनान्स वित्तीय संस्थाले १२० प्रतिशत अर्थात १ बराबर १.२ को अनुपातले हकप्रद सेयर दिने भएको छ। पोखरामा बसेको साधारण सभा बैठकले हाल कायम रहेको ४ लाख ६० हजार कित्ता शेयरको १ः १.२ को अनुपातमा हुन आउने ५ लाख ५२ हजार कित्ता हकप्रद शेयर निस्काशन गरी जारी तथा चुक्ता पुँजी १० करोड १२ लाख पु¥याउने निर्णय गरेको छ।
वित्तीय संस्थाले छोटो अवधिमा २८ वटा शाखा सञ्चालन गरी हिमाली तथा विकट पहाडी जिल्लामा वित्तीय सेवा प्रदान गर्दै आएको छ। राष्ट्र बैंकको पछिल्लो नीति अनुसार दुर्गम क्षेत्रमा वित्तीय संस्थाको संख्या बढाउन पर्ने व्यवस्था अनुसार वित्तीय संस्थाले १५ जिल्लालाई कार्यक्षेत्र बनाएको अध्यक्ष उत्तम भ्लोनले बताएका छन्।
२०६९ चैतबाट साविकको क्लिन भिलेज माइक्रोफाइनान्स वित्तीय संस्थाको नामबाट वित्तीय कारोवार शुरु गरेको यस एनएमबि माइक्रोफाइनान्सले २८ वटा शाखाबाट ३२ हजार विपन्न घरपरिवारमा ८३ करोड रुपैयाँ विनाधितो कर्जा लगानीमा रहेको, १६ करोडभन्दा बढि वचत संकलन गर्न सफल भएको र थप १० जिल्लामा कार्यक्षेत्र विस्तार गर्ने स्वीकृतिको लागि नेपाल राष्ट्र बैंक समक्ष अनुरोध भइसकेको प्रमुख कार्यकारी अधिकृत तेजेन्द्र शर्मा लम्सालले बताए । एनएमबि माइक्रोफाइनान्स वित्तीय संस्था एनएमबि बैंकको सहायक कम्पनी हो।
प्रकाशितः २०७३ वैशाख २९
वि.सं.२०७३ वैशाख २९ बुधवार १०:२३ मा प्रकाशित
