पर्वत । ठूलीपोखरी–३ की सुनिता परियारका घरमा परिवारका पाँचजना सदस्य र दुईवटा गाईभैँसी रहेका छन् । पाँच जनाको परिवार र दुईवटा गाईभैँसीलाई गरी दैनिक ६ गाग्रीसम्म पानी आवश्यक पर्छ, तर उहाँले एक गाग्री पानी घरसम्म ल्याई पु¥याउन २ घन्टा लाग्ने गर्छ ।
छ गाग्री पानी ल्याउँदा उहाँको पुरै दिन त्यसै सकिन्छ । अहिले स्थानीयस्तरमा महिलाको ज्याला रु ५५० भएकाले एक गाग्री पानीको करिब १०० रुपैयाँ पर्न जान्छ । एक गाग्रीमा १० देखि १५ लिटर जाने हुँदा एक लिटर पानीको १० रुपैयाँ पर्छ । परियार मात्रै होइन, ठूलीपोखरी गाविसका तीनवटा वडाका करिब ३०० परिवारले यसरी नै १० रुपैयाँ लिटर पर्ने पानी खाने गरेका छन् । उनीहरुलाई दुई घन्टामा एक गाग्री पानी ल्याउनभन्दा किनेर खान सस्तो पर्न जान्छ ।
ठूलीपोखरी गाविसका चोरकाटे, भन्ज्याङ, घोराचौर, ठूलीपोखरी, पैयुँस्वाँरा, रोहोटे लगायतका टोलमा पानीको हाहाकार हुँदा हिउँदका अधिकांश समय पानी ल्याउनमै बित्ने गरेको छ । घरमा केटाकेटी र बुढाबुढी भएकाले पानी बोक्नमा कमाउने उमेर समूहका महिला र पुरुष नै खट्ने गरेका छन् ।
३० बैशाख २०७३, ८।००
वि.सं.२०७३ वैशाख ३० बिहीवार ११:४६ मा प्रकाशित