काठमाण्डौं । नेपाल आर्ट काउन्सिल बबरमहलमा पूराना गाडी भिन्टेज कारहरुको प्रर्दशनी हुने भएको छ । जेठ १ देखि ३ गतेसम्म चल्ने यो प्रदर्शनीमा दशकौं पूराना सवारी साधन राखिने आयोजकले बताएका छन् । प्रदर्शनीअघि लैनचौरबाट बबरमहलसम्म भिन्टेज गाडीको र्याली समेत हुनेछ ।
भिन्टेज एन्ड क्लासिक इन्क नेपालको आयोजनामा हुने प्रदर्शनीमा भिन्टेज गाडीमा पेन्टिङ समेत गरिनेछ । आयोजकहरुका अनुसार यो पेन्टिङ नेपाली चित्रकलाकै इतिहासमा पहिलो हुनेछ ।
प्रदर्शनीको अवधिमा ऐतिहासिक गाडी संरक्षण सम्वन्धी अन्तरक्रिया समेत हुने आयोजकले बताएका छन् । ऐतिहासिक गाडीका फोटो र अटोमोबाइल सम्वन्धी डकुमेन्ट्रीको समेत प्रदर्शनी हुनेछ । यो कार्यक्रमको भक्सवागनको नेपालको आधिकारिक बिक्रेता पुजा इन्टरनेशनलले सहयोग गरेको छ ।
३१ बैशाख २०७३, ८।००
वि.सं.२०७३ वैशाख ३१ शुक्रवार ११:४७ मा प्रकाशित
