काठमाडौ । अर्थमन्त्री विष्णु पौडेलले सम्वृद्धिसहितको समाजवाद उन्मुख बजेट ल्याउने बताएका छन् । नेपाल आर्थिक पत्रकार समाज ९सेजन०ले आज मंगलबार आयोजना गरेको पुर्व बजेट छलफल कार्यक्रममा मन्त्री पौडेलले संविधान, संघियता कार्यान्वयन र नयाँ चरणको आर्थिक विकासका लागि बजेटमार्फत कार्यप्रारम्भ गर्ने बताए ।
संसद्को कृषि तथा जलस्रोत समिति सभापति गगन थापाले फागुन महिनामा ‘पोलिसी अडिट’ गर्नुपर्ने र फागनु पछि पनि कार्यान्वयनमा आउन नसकेका आयोजना खारेज हुने व्यवस्था गर्नुपर्ने बताए । विकासको बाधकको रुपमा विद्यमान ऐन, कानून रहेको भन्दै उनले विद्युत ऐन, जग्गा ऐन जस्ता करिब ३५ वटा विभिन्न ऐन छिटो संसदबाट पारित गर्नुपर्ने बताए ।
नेपाल उद्योग वाणिज्य महासंघका अध्यक्ष पशुपति मुरारकाले उर्जाको अभावमा उद्योग संचालन हुन नसक्ने भन्दै उर्जाको विकासमा ध्यान दिनुपर्ने बताए ।
अर्थविद् प्रा।डा। विश्वम्भर प्याकु¥यालले कृषि क्षेत्रको विकास नभएसम्म अरु केहि हुनै नसक्ने बताए । राष्ट्रिय योजना आयोगका पूर्व उपाध्यक्ष एवं राष्ट्र बैंकका पुर्व गभर्नर दीपेन्द्र बहादुर क्षेत्रीले उत्पादन बृद्धिमा जोड दिदै नेपालको कृषि क्षेत्रलाई भारतसँग प्रतिष्पर्धा गर्न सक्ने गरी बजेट ल्याउनुपर्ने बताए ।
कार्यक्रममा सांसद् उदय शम्सेर राणा, नेपाल बैंकर्स संघका उपाध्यक्ष अनिल शाह, नेपाल उद्योग परिसंघका सतिश मोर, ईपानका महासचिव कुमार पाण्डे, नेपाल चेम्बर अफ कमर्सका महासचिव कमलेश अग्रवाल, पर्यटन व्यवसायी भरत बस्नेत, गार्मेट संघका अध्यक्ष अशोक अग्रवाललगायतले आगामी बजेटमा नीतिगत परिवर्तनका लागि सुझाव दिएका थिए ।
४ जेठ २०७३, ४।००
वि.सं.२०७३ जेठ ४ मंगलवार १६:४२ मा प्रकाशित
