काठमाण्डौं । एनआईडिसी डेभलपमेन्ट बैंकले बोलकबोलबाट बेच्न लागेको नबिल बैंकको एक लाख ६२ हजार कित्ता सस्थापक सेयर दुई वटा सस्थाले पाएका छन्।
इन्भेष्टमेन्ट कम्पनीले यो सेयर प्रतिकित्ता १६३१ रुपैयाँमा किन्ने प्रस्ताव गरेका छन्। सेयर किन्न अधिकतम मूल्य प्रस्ताव गर्ने लगानीकर्तालाई पैसा जम्मा गर्न एनआईडिसी सूचना दिइसकेको छ। सेयर किन्न बोलकबोलमा जम्मा गरेको बाहेक बाँकी पैसा जम्मा गर्न एनआईडिसीले लगानीकर्तालाई म्याद दिएको हो ।
यो सेयर बिक्री गर्दा एनआडिसीले करिब २७ करोड रुपैयाँ पाउँछ । करिब २२ करोड रुपैयाँमा बेच्ने तयारी गरेको यो सेयर लगानीकर्ताले बढी मूल्यमा किन्न खोजेपछि सस्थालाई करिब पाँच करोड थप रकम प्राप्त हुनेभएको हो । सेयर नपर्ने लगानीकर्तालाई धरौटी फिर्ता दिने काम सुरु भइसकेको छ ।
५ जेठ २०७३, २।००
वि.सं.२०७३ जेठ ५ बुधवार १४:५० मा प्रकाशित