काठमाण्डौं । यो साता सुनको मूल्य प्रतितोला ३ सय रुपैयाँले घटेको छ। साताको पहिलो दिन आइतबार प्रतितोला ५६ हजार ३ सय रुपैयाँ रहेको सुन अन्तिम दिन शुक्रबार ५६ हजार रुपैयाँमा कायम भयो। आइतबारदेखि बुधबारसम्म सुनको भाउ स्थिर रहेको थियो। त्यसपछि बिहिबार ३ सयले घटेको सुन शुक्रबार पनि उही मूल्यमा कायम रह्यो।
चाँदीको भाउ साताभर प्रतितोला १५ रुपैयाँले घटेको छ। आइतबार प्रतितोला ७ सय ८५ रुपैयाँ रहेको चाँदी सोमबार ७ सय ९० पुगेको थियो। त्यसपछि क्रमिक रुपमा घट्दै शुक्रबार ७ सय ७० रुपैयाँमा कायम भएको हो।
नेपाल सुनचाँदी व्यवसायी महासंघका अनुसार तत्कालै सुनचाँदीको मूल्यमा ठूलो उतारचढाव आउने अवस्था देखिएको छैन। चाँदीको मूल्य भने अझै केही घट्न सक्ने महासंघको अनुमान छ।
प्रकाशितः २०७३ जेठ ८
वि.सं.२०७३ जेठ ८ शनिवार १२:०१ मा प्रकाशित
