काठमाण्डौं । निजी क्षेत्रको मोबाइल सेवा प्रदायक एनसेलले रिचार्जमा आकर्षक बोनस पाइने योजना ल्याएको छ । कम्पनीले सोमबारदेखि लागु हुने गरी एनसेल लास्टै ठूलो अफर योजना ल्याएको हो ।
ग्राहकले दुर्इ सय रुपैयाँ भन्दा बढीको रिचार्ज गर्दा प्रत्येक रिचार्जको रकम अनुसार एक सय रुपैयाँदेखि एक हजार रुपैयाँसम्म बोनस पाउने कम्पनीले जनाएको छ । कम्पनीका अनुसार भदौं ४ गतेसम्म लागु हुनेछ ।
बोनस पाउन ग्राहकले दुर्इ सय रुपैयाँ भन्दा बढीको ब्यालेन्स रिचार्ज गर्नुपर्ने कम्पनीले जनाएको छ । ग्राहकले दुर्इ सयको रिचार्ज गर्दा पाँच दिनको लागि मान्य हुने एक सय रुपैयाँ बोनस ब्यालेन्स पाउने कम्पनीले जनाएको छ । कम्पनीका अनुसार तीन सय रुपैयाँको रिचार्ज गर्दा सात दिनको समयसीमा भएको दुर्इ सय रुपैयाँको बोनस पाउनेछन् ।
पाँच सय र एक हजार रुपैयाँको रिचार्ज गर्दा चार सय र एक हजार रुपैयाँको बोनस पाउने कम्पनीले जनाएको छ । पाँच सय रिचार्ज गरेवापत पाइने बोनस भने ग्राहकले १० दिनभित्रै उपयोग गर्नुपर्नेछ ।
एक हजार रुपैयाँको रिचार्ज गर्दा पाइएको एक हजार रुपैयाँको बोनस १४ दिनभित्रै उपयोग गर्नुपर्नेछ ।
९ जेठ २०७३, ३।३०
वि.सं.२०७३ जेठ ९ आइतवार १६:४६ मा प्रकाशित
