काठमाडौं । गर्मीका कारण तापक्रम बढेर अण्डाको उत्पादन घटेपछि बजारमा सहजरुपमा अण्डा आपूर्ती नहुँदा विगत दुई महिनामा कुखुराको अण्डाको भाउ पाँच रुपैयाँले महँगिएको छ ।
अहिले बजारमा अण्डा प्रति गोटा १४ रुपैयाँमा कारोबार भईरहेको छ। दुई महिना अगाडी अण्डाको मुल्य प्रति गोटा नौ रुपैयाँ थियो ।दुर्इ महिना अघि दुई सय ७० रुपैयाँ प्रति क्रेट रहेको अण्डाको मुल्य अहिले तीन सय २० प्रति क्रेट पुगेको छ। अण्डाको भाउ साढे दुई वर्षयताकै महँगो भएको नेपाल अण्डा उत्पादन संघका अध्यक्ष शिवराम केसीले जानकारी दिए ।
गर्मीले तापक्रम बढेर कृषकहरुले आवश्यकता अनुसार अण्डा उत्पादन गर्न सकिरहेका छैनन्। दाना सँगसँगै कुखुरालाई अण्डा उत्पादनका लागि अनुकुल तापक्रमको पनि आवश्यकता पर्छ। कुखुरालाई औषत तापक्रम ३२ देखि ३३ डिग्री सेल्सियिससम्मको चाहिने केसीले बताए।अहिले मुलुकभरी अण्डाको उत्पादन करिब ४० प्रतिशतले घटेको छ।
मुलुकभित्र दैनिक २२ लाख अण्डाको माग छ । तर अहिले घटेर अण्डाको उत्पादन दैनिक १७ लाख पुगेको छ।
प्रकाशितः २०७३ जेठ १०
वि.सं.२०७३ जेठ १० सोमवार १६:३५ मा प्रकाशित
