सिंगापुर। मनी लाउण्डरिंगमा मुछिएपछि सिंगापुरको केन्द्रिय बैंक (मास)ले स्वीस बैंक बिएसआई एसएको ११ वर्षदेखि सञ्चालनमा रहेको शाखा बन्द गर्न निर्देशन दिएको छ।
वान मलेसिया डेभलपमेन्ट बिएचडिको बिएसआई बैंकमार्फत भएको वित्तीय कारोवार शंकास्पद पाइएपछि सिंगापुरको केन्द्रिय बैंकले एक साता अघि शाखा बन्द गर्न निर्देशन दिएको हो।
केन्द्रिय बैंकले एन्टि मनी लाउण्ड्रिङ सम्वन्धी कानुनको ४१ पटक उल्लंघन गरेको पाइएपछि यो शाखालाई एक करोड १३ लाख सिंगापुर डलरको जरिवाना समेत गरेको छ।
दुई सय कर्मचारी भएको बिएसआई बैंकले मलेसियाको सरकार नियन्त्रित फर्मको चार अर्व अमेरिकी डलर बराबरको फण्ड व्यवस्थापन गर्दै आएको छ। मलेसियाका प्रधानमन्त्रीको नेतृत्वमा रहेको वान एमडिबि कम्पनीका बारेमा स्वीजरल्याण्ड, अमेरिका, सिंगापुर लगायत कम्तिमा सात देशमा छानविन भैरहेको छ।
यो बैंकको सिंगापुर शाखामा नेपालका केही बैंकले समेत निक्षेप राखेको बताइएको छ।
२० जेठ २०७३, ९.००
वि.सं.२०७३ जेठ २० बिहीवार ११:२८ मा प्रकाशित
