काठमाण्डौं । टाटाको सबैभन्दा सस्तो कार नानो नयाँ स्वरुपमा आउने भएको छ। नयाँ नानोको स्वरुप टाटाकै पछिल्लो ह्याब्याक कार टियागोसँग मिल्ने अन्तर्राष्ट्रिय समाचारमाध्यमले जनाएका छन्।
कम्पनीले नयाँ नानोलाई ‘पेलिकन’ नामबाट लन्च गर्न सक्ने बताइएको छ।
यसमा नयाँ फ्रन्ट र ब्याक बम्पर, टियागोको जस्तो ड्यासबोर्ड, स्टेरिङ ह्वीलमा अडियो र टेलिफोन कन्ट्रोल, टाटाकै बोल्ट र जेस्ट मोडलमा भएजस्तो टचस्क्रिन इन्फोटेन्मेन्ट सिस्टम, रेनो क्वीडको जस्तो थ्री सिलीण्डर इन्जिन हुनसक्ने बताइएको छ।
यसको मूल्य भने पहिलेको तुलनामा महँगो हुनसक्ने बताइएको छ। साढे दुईदेखि साढे तीन लाख भारतीय रुपैयाँको बीचमा पर्न सक्ने यो कार यही मूल्यमा आयो भने यो सबै भन्दा सस्तो कारमा समावेश नहुने पनि बताइएको छ।
प्रकाशितः २०७३ जेठ २६
वि.सं.२०७३ जेठ २६ बुधवार १३:५६ मा प्रकाशित
