काठमाण्डौं । प्रभु बैंकले हकप्रदमा आबेदन नपरेका झण्डै साढे तीन लाख कित्ता सेयर लिलाममा राखेको छ । लिलाममा राखिएको सेयरको प्रति कित्ता एकसय रुपैयाँ न्युनतम मुल्य तोकिएको छ ।
प्रभुले गत चैत्र २८ गतेसम्म खुला गरेको २० प्रतिशत हकप्रदमा आबेदन नपरेको संस्थापक समूहको १ लाख ५७ हजार, २७१ कित्ता र सर्वसाधारण समूहको १ लाख ८४ हजार ६१४ कित्ता गरी जम्मा ३ लाख ४१ हजार ८८६ कित्ता लिलाममा निकालेको हो ।
यसका लागि जेठ ३२ गतेदेखि असार १५ गतेसम्म सिलबन्दी बोलपत्र पेश गर्नसक्ने बैंकले जनाएको छ ।
२८ जेठ २०७३, १०।००
वि.सं.२०७३ जेठ २८ शुक्रवार ११:१७ मा प्रकाशित