काठमाण्डौं । सिद्धार्थ डेभलपमेन्ट बैंकसँग एकता विकास बैंक र नेपाल आवास फाइनान्स गाभिएका छन् । एकिकृत कारोवारको अर्थमन्त्री विष्णुप्रसाद पौडेलले उद्घाटन गरे। मर्जरपछि बनेको नयाँ संस्थाले आज शुक्रवारदेखि एकिकृत कारोबार सुरु गरेको छ ।
राष्ट्रियस्तरको सिद्धार्थ डेभलपमेन्ट बैंकमा १० जिल्ला कार्यक्षेत्र भएको एकता विकास बैंक र ग वर्गको राष्ट्रियस्तरको नेपाल आवास फाइनान्स लिमिटेड गाभिएका हुन्।
मर्जर पश्चात बैंकको चुक्तापूँजी एक अर्ब १४ करोड भएको छ भने बैंकका ३३ बटा शाखा भएका छन्। त्यस्तै बैंकको १२ अर्ब निक्षेप, १० अर्ब कर्जा सहित देशकै दोस्रो ठूलो डेभलपमेन्ट बैक भएको छ।
२८ जेठ २०७३, ३।००
वि.सं.२०७३ जेठ २८ शुक्रवार १५:२७ मा प्रकाशित