काठमाण्डौं । यस साता सेयर बजार परिसूचक नेप्से ८३ दशमलव ५६ अंंकले उक्लिएको छ। आइतबार १ हजार ४ सय ८३ दशमलव १४ अंकमा रहेको नेप्से बिहीबार १ हजार ५ सय ६६ दशमलव ७० मा पुगेको छ। नेप्सेको वृद्धिसँगै ‘क’ वर्गका कम्पनीको सेयर कारोबार मापक सेन्सिेटिभ साढे १८ अंकले र कारोबारमा रहेका सबै कम्पनीको सेयर कारोबार मापक फ्लोट परिसूचक ६ दशमलव ०३ अंकले बढे।
यो साता नेप्सेमा १ सय ४९ कम्पनीका सेयर किनबेच भए। २९ हजार ८ सय १२ वटा कारोबारबाट ६ अर्ब ८७ करोड रुपैयाँ बराबरका ९२ लाख ४५ हजार ७ सय ३० कित्ता सेयर खरिद बिक्री भए ।
बिमा कम्पनीका लगानीकर्ताका लागि यो साता निकै उत्साहप्रद रह्यो। साप्ताहिक कारोबारमै यो समूहका लगानीकर्ताको सम्पत्ति १ हजार २ सय ४६ दशमलव ९१ अंकले बढ्यो। यो सँगै बिमा उपसमूहको परिसूचक ८ हजार ६ सय ५४ दशमलव ३२ विन्दुमा पुग्यो। यो परिसूचक सूचीकृत सबै समूहहरूको भन्दा धेरै हो।
बिहीबार नेपाल लाइफ इन्स्योरेन्सले प्रिमियम (अंकित मूल्यमा थप गरी) सहित एफपीओ सेयर जारी गर्ने खबर सार्वजनिक भयो। यसले एकैदिन (इन्ट्रा डे) मै बिमा समूहको परिसूचक ७ दशमलव ३९ प्रतिशत ९५ सय ९५ दशमलव ४३ अंक० ले बढ्यो।
बिमा पछि धेरै कमाउनेमा विकास बैंक, जलविद्युत् र बैंकिङ समूहका लगानीकर्ता परे। साप्ताहिक कारोबारमा विकास बैंक समूहको परिसूचक ५९ दशमलव २९ अंकले उक्लियो। यो समूहमा सूचीकृत लघुवित्त कम्पनीहरूको सेयर मूल्य धेरैले बढेपछि परिसूचक उच्च अंकले बढेको हो। यो साता जलविद्युत् र बैंकिङ समूहको परिसूचक क्रमशस् ५६ दशमलव ७२ र ५६ दशमलव ७६ अंकले बढे।
प्रकाशितः २०७३ जेठ २९
वि.सं.२०७३ जेठ २९ शनिवार ११:५० मा प्रकाशित
