काठमाण्डौं । जनता बैंक नेपालले ५० प्रतिशत अर्थात दुई बराबर एक कित्ताका दरले हकप्रद दिने निर्णय गरेको छ । बैंकको आइतबार सम्पन्न साधारण सभाले यो निर्णय गरको हो ।
बैंकको संस्थापक समूहमा रहेको ७० प्रतिशत शेयर हिस्सालाई ५१ प्रतिशतमा झारी सर्वसाधरण समूहको शेयर हिस्सा ४९ प्रतिशत कायम गर्ने र सोही बमोजिम सञ्चालक समितिको संरचनामा फेरवदल गर्ने र बैंकको प्रबन्धपत्र र नियमावलीमा संशोधन गर्ने प्रस्ताव पनि साधारण सभाले परित गरेको छ ।
बैंकको मर्ज प्रयास असफल भएपछि पुँजी बृद्धिका हकप्रदको साहारा लिइएको हो । १५ करोड ३ लाख ४९ हजार रुपैयाँ नाफा गरेको बैंकले चुक्ता पुँजी १० अर्ब पुर्याउने प्रस्ताव परित गरेको छ ।
बैंकले २०७२ साल चैत्र मसान्तसम्ममा २२ अर्ब ८९ करोड निक्षेप संकलन गरी १९ अर्ब ६१ करोड कर्जा परिचालन गरेको छ । सोही अवधिमा बैंकले २२ करोड ६६ लाख खुद नाफा आर्जन गरेको छ । हाल बैंकको पूर्वमा मेचीको ताप्लेजुङ्गदेखि पश्चिममा महाकालीको दार्चुलासम्म गरी ३६ वटा शाखाहरु, २९ वटा एटिएम र ५ वटा शाखारहित बैंकिङ इकाइ, ईन्टरनेट तथा मोवाइल बैंकिङ्ग मार्फत ग्राहक वर्गहरुलाई वित्तीय सेवा प्रदान गरिरहेको छ।
वि.सं.२०७३ जेठ ३१ सोमवार ११:०९ मा प्रकाशित