काठमाण्डौं । उपत्यकाका तारे होटलले कर तिर्नका लागि विवरण लिएर आउन थालेपछि काठमाडौँ महानगरपालिकाले स्थलगत अनुगमन गरेर मात्र होटलको कर तय गर्ने भएको छ । ठूला होटलले नियमित रुपमा कर बुझाउँदा प्रतिहोटल वार्षिक करिब १० लाखदेखि १२ लाखसम्म कर उठ्ने बताइएको छ।
होटलसँग महानगरले वार्षिकरुपमा व्यवसाय, बहाल, घरजग्गा र सवारी कर उठाउँदै आएको छ । सरकारले २०५७ सालदेखि घरजग्गा कर असुलीका लागि निर्देशन दिएसँगै महानगरले होटलको कर उठाउन थालेको हो । २०७० साल वैशाख २८ गतेदेखि पर्यटन मन्त्रालयको पर्यटन उद्योग महाशाखा, होटल एसोसिएसन नेपाल र काठमाडौँ महानगरबीच होटललाई कडाइका साथ करको दायरामा ल्याउने सम्झौता भएको थियो ।
समयमा कर नबुझाउने होटललाई महानगरपालिकाले स्थानीय स्वायत्त शासन ऐन, २०५५ को दफा १६५ ९२० बमोजिम चलअचल सम्पत्ति रोक्का गर्ने, नवीकरण नगर्ने, फोहर नउठाउने, व्यापार–व्यवसायमा सिलबन्दी, तालाबन्दी, रोक्का गर्ने तथा महानगरपालिका अन्तर्गत हुने विभिन्न किसिमका कामको सिफारिस नगर्ने लगायतका कारबाही गर्न सक्नेछ ।
३ असार २०७३, ९।००
वि.सं.२०७३ असार ३ शुक्रवार ११:२८ मा प्रकाशित
