काठमाण्डौं । नेप्से सोमबार पनि ७.१७ अंकले घटेर १ हजार ६ सय १५.१० अंक कायम भएको छ। आइतबार १० अंकले घटेको नेप्से सोमबार पनि निरन्तर ओरालो लागेको छ।
त्यस्तै क वर्गका कम्पनीको कारोबार मापन गर्ने सेन्सेटिभ इन्डेक्स पनि १.५७ अकले घटेर ३ सय ४८.४२अंक कायम भएको छ। सोमबार जलबिद्युत् र वित्त बाहेक अन्य सबै समूहका परिसूचक तल ओर्लिएका छन्।
बिमा समूह सबैभन्दा बढी १ सय २८ अंकले तल ओर्लिएको छ। सेयरबजारमा सोमबार १ सय ३५ कम्पनीका १८ लाख ४५ हजार ८ सय ७२ कित्ता सेयर ५ हजार ७ सय ८५ पटक किनबेच हुँदा १ अर्ब १९ करोड ६८ लाख ३९ हजार १ सय ५४ रुपैयाँको कारोबार भएको छ। त्यस्तै आज भएको कारोबारका आधारमा सिखर इन्सुुरेन्स, लुम्बिनी जनरल इन्सुरेन्स, नेशनल हाइड्रोपावर कम्पनी लिमिटेड अग्रस्थानमा छन्।
राष्ट्रिय बिमा कम्पनी, नेको इन्सुरेन्स र जेबिल्स फाइनान्सका लगानीकर्ताले सबैभन्दा बढी कमाएका छन् भने सिन्धु बिकास बैंक, सुर्य लाइफ इन्सुरेन्स र नेपाल इन्सुरेन्सका लगानीकर्ताले सबैभन्दा बढी गुमाएका छन्।
प्रकाशितः २०७३ असार ६
वि.सं.२०७३ असार ६ सोमवार १६:५५ मा प्रकाशित
