नुवाकोट । काबुल आक्रमणमा परि मारिएका १२ नेपालीमध्येका एक हुन् नुवाकोटका मधुसुदन कोइराला ।
भर्खरै बजारमा आएको ‘रुन्छ मन चिरिन्छ छाति, यस्तो बज्र नपरोस् कोहीमाथी’ बोलको गीतको रचना गरेका र त्यस गीतमा अभिनयसमेत गरेका कोइरालाको मृत्युको खबरले अंजिगरेमा सन्नाटा छाएको छ ।
कल्याणपुर गाविस-१ अजिङ्गरेका कोइरालाको परिवारले एक वर्षअघि मात्रै ठूलो वियोग खेप्नुपरेको थियो । २०७२ साल वैशाख १२ गतेको भूकम्पमा छोरा शिशिर र छोरी स्वस्तिका गुमाएका थिए । अहिले कोइरालाका श्रीमती मैया र तीन छोरीहरु काठमाडौंको लोलङ हाइटमा बस्दै आएका छन् ।
तीन वर्षदेखि कावुलमा रहेर क्यानेडियन राजदूतावासको सुरक्षामा खटिएका भूतपूर्व सैनिक कोइराला एक महिनाअघि मात्रै नुवाकोटबाट विदा मनाएर फर्किएका थिए । बिदा मनाउनका लागि नेपाल आएका बेला उनले भूकम्पमा परी स्वर्गीय भएका सन्तानहरुमा समर्पण गर्दै गीत तयार गरेका थिए ।
७ असार २०७३, २.००
वि.सं.२०७३ असार ७ मंगलवार १४:३८ मा प्रकाशित
