काठमाडौं । नेपालमा नियमित उडान गर्ने अन्तर्राष्ट्रिय उडानका वायुसेवाले टिकेटिङमा सिन्डिकेट थालेको बताउँदै सोसाईटी अफ ट्राभल एन्ड टुर अपरेटर्स (सोट्टो) नेपालले यस्तो तत्काल नरोके आन्दोलन गर्ने चेतावनी दिएको छ ।
नेपालमा उडान गरिरहेका अन्तर्राष्ट्रिय उडानका वायुसेवाका विमानको सिट हेर्ने यो सिस्टम आयटाका सदस्य भएकालाई पनि नदिएको भन्दै सोट्टोले विरोध गरेको हो ।
एयरलाइन्ससँगको मिलेमतोमा ठूलो मात्रामा टिकेटिङको कारोबार गर्ने तथा बजार होल्ड गर्न सक्ने ट्राभल एजेन्सीलाई मात्रै टिकट दिएर थोरै टिकेट बेच्ने र नयाँ ट्राभल एजेन्सीलाई निरुत्साहित गर्ने गरेको सोट्टो नेपालले बताएको छ ।
सोट्टो नेपालका अनुसार अन्तर्राष्ट्रिय हवाई यातायात संगठन (आयटा) को सदस्य नभएका व्यवसायीलाई जीडीएस सिस्टम नदिएका कारण टिकेटिङ व्यवसाय नै प्रभावित हुन पुगेको सोट्टो नेपालको भनाइ छ ।
सोट्टोको सदस्य भएका अधिकांश व्यवसायीलाई विमान बंगलादेश, कतार एयरवेज, इमिरेट्स एयरवेज, इत्तिहाद एयरवेज लगायतले यस्तो सिस्टम दिएका छैनन् । अन्तर्राष्ट्रिय वायुसेवाका जहाजको सिट हेर्ने र टिकट काट्ने यस्तो सिस्टममा एमाडस, ग्यालिलियो र एमाकस ९सर्भर० प्रयोग भइरहेको छ । यही सिस्टम नदिएकोमा सोट्टोले विरोध गरेको हो । यसअघि सन् २००८ मा पनि सोट्टोले जीडीएसको विरोध गरेको थियो । यसपछि सहज भएको यो व्यवस्थामा पुनः असहज भएको सोट्टोका भनाइ छ ।
९ असार २०७३, १०।००
वि.सं.२०७३ असार ९ बिहीवार ११:३५ मा प्रकाशित
