काठमाण्डौं । यूरोपियन यूनियनबाट बेलायत बाहिरिएपछि मुद्रा बिनिमयदरमा ठूलै परिवर्तन देखिएको छ।
अमेरिकी डलरको मूल्य केही बढेको छ भने बेलायती मुद्रा पाउण्डस्टेर्लिङ घटेको छ।
नेपाल राष्ट्र बैंकले शनिबार डलरको बिक्रीदर मूल्य १ सय ९ रुपैयाँ तोकेको छ भने खरिददर मूल्य १ सय ८ रुपैयाँ ४० पैसा तोकेको छ। सामान्य दिनहरुमा १०÷१५ पैसाले घटबढ हुने गरको डलर शनिबार १ रुपैयाँ ४ पैसाले बढेको छ।
यसअघि शुक्रबार नेपाल राष्ट्र बैंकले डलरको बिक्रीदर मूल्य १ सय ७ रुपैयाँ ९६ पैसा र बिक्रीदर मूल्य १ सय ७ रुपैयाँ ३६ पैसा तोकेको थियो।
यूरोपियन यूनियनबाट बेलायत बाहिरिएपछि बेलायतको मुद्रा पाउण्डस्टेर्लिङ कमजोर बनेको छ भने डलर केही मजबुत देखिएको छ।
पाउण्डस्टेर्लिङको बिक्रीदर मूल्य आज १ सय ५१ रुपैयाँ ४२ पैसा रहेको छ। अघिल्लो दिन यो मूल्य १ सय ६० रुपैयाँ ६५ पैसा थियो।
प्रकाशितः २०७३ असार ११
वि.सं.२०७३ असार ११ शनिवार १३:३८ मा प्रकाशित
