काठमाण्डौं । सुनको मूल्य अझै बढ्ने अनुमान गरिएको छ।
बेलायत यूरोपियन युनियनबाट बाहिरिएलगत्तै अन्तर्राष्ट्रिय बजारमै उच्च दरले बढेको सुनको मूल्यवृद्धिले केही दिन निरन्तरता पाउने नेपाल सुनचाँदी व्यवसायी महासंघको अनुमान छ।
शुक्रबार प्रतितोला ३ हजार रुपैयाँले बढेर ५९ हजार रुपैयाँमा सुनको कारोबार भएको थियो। नेपालमा शनिबार मूल्य निर्धारण नगरिने हुँदा आज सोही मूल्य देखिए पनि अन्तर्राष्ट्रिय बजारमा भने सुनको भाउ थप बढेको छ।
अन्तर्राष्ट्रिय बजारको उतारचढावअनुसार नै महासंघले नेपालमा पनि सुनको मूल्य निर्धारण गर्दै आएको छ।
प्रकाशितः २०७३ असार ११
वि.सं.२०७३ असार ११ शनिवार १७:१० मा प्रकाशित
