back
mega bank Ad
Hero Ad

सफल व्यवसायी बन्नका लागि भागवद् गीताबाट मिल्ने पाँच शिक्षा

कुनै पनि कुरामा उल्झन भएमा आजभोलि हामी गुगलमा सर्च गर्ने गर्छौं । चाहे त्यो स्वास्थ्यसँग सम्बन्धित विषय होस्, आफ्नो शिक्षासँग सम्बन्धित विषय होस्, व्यवसायका लागि सफलताका कुराहरु हुन् या जीवनमा उज्यालो पक्ष हेर्नका लागि होस् हामी इन्टनेटको सहायता लिएर विभिन्न साइटहरुमा त्यसको जवाफ खोज्ने गर्छौं । चाहे तपाई आस्तिक हुनुस् या नास्तिक यसपटक हामीले हिन्दु धर्मग्रन्थमध्ये सबैभन्दा उच्च ग्रन्थका रुपमा लिइएको गीताबाट यसका जवाफ खोज्ने कोसिस गरेका छौं ।

भनिन्छ, जतिपनि वैज्ञानिक आविष्कार या चमत्कार भएका छन् ती सबै हाम्रो वेदबाट भएका हुन् । वेदको कुरालाई अहिले थाँती नै राखेर गीताको कुरा गरौं । जहाँ विभिन्न प्रकारका श्लोकहरु छन् जसले हामीलाई जीवनमा अगाडि बढ्न र सकारात्मक बन्न मद्दत पु¥याउने गर्दछ । जस्तो कि कर्म गर फलको आशा नगर, भूत भनेको बितिसक्यो त्यसका लागि व्यर्थमा नरोऊ, भविष्य भनेको अन्धकार छ त्यसको लागि चिन्ता नगर, जे छ वर्तमानमा छ त्यसमा तिमी रमाउने कोसिस गर । यस्तै यसपटक सफल व्यवसायी बन्नका लागि भगवद्् गीताबाट मिल्ने पाँच शिक्षा हामीले यहाँ प्रस्तुत गरेका छौं ।

gita-1

‘कर्म’का बारेमा धेरै कुराहरु गरिएका छन् र सुनिएका छन् । तर यसको मुख्य विषय भनेको यी दुई लाईनमा अडिएको छ । हरेक व्यवसायीहरुले आफ्नो कर्ममा केन्द्रित हुनुपर्छ जस्तो कि कुनै पनि कुराको नतिजामा केन्द्रित नभई कर्म गर्ने । अन्तिम नतिजामा आफूलाई केन्द्रित गर्नुभन्दा त्यहाँ पुग्ने प्रक्रियामा रमाउन सक्यौं भने नै हामी अगाडि बढ्न सक्छौं । जब हामी अन्तिम नतिजा यस्तो होला उस्तो होला भनेर सोच्ने गर्छौं तर हामीले कामको सुरुवातबाट त्यहाँ नपुगिन्जेलको रमाइलो नै बिर्सन्छौं । हामीले बुझ्नुपर्छ कि आशाहरु राख्नु र सकारात्मक हुनु गलत कुरा हैन तर बिना कर्म हाम्रो बाटो अत्यन्त कठिन हुन्छ, हामी त्यहाँ पुग्न सक्दैनौं । कुनै पनि कुराको सुन्दरता भनेको कडा बाटोमा हिंडनु र त्यसरी हिंड्दा रमाउनुमा नै लुकेको हुन्छ । यदि कुनै पनि व्यक्ति त्यो बाटो हिंड्दा धेरै रमायो या धेरै डरायो भने ऊ लड्ने सम्भावना हुन्छ ।


 

gita-2

यो भन्न सजिलो छ कि विविधता र ग्रहण गर्ने क्षमता नै सफलताको साँचो हुन् । तर कुनै पनि व्यवसायीका लागि सबैभन्दा ठूलो शिक्षा भनेको छिटो परिवतर्नलाई ग्रहण गर्न सक्नु नै हो । आफ्नो पहिलो सोचाई या विचारमा नै अडिग नरहनुहोस् । ग्रहण गर्ने क्षमताको विकास गर्नुहोस्, खोज्नुहोस् र नयाँ नयाँ अवसरलाई आउन दिनुहोस् । आफ्नो व्यवसायिक यात्रालाई एउटा यात्रुको जस्तो अगाडि बढाउनुहोस्, जो कुनै शहर हेर्नका लागि वा कुनै रमाइलो ठाउँ हेर्नका लागि यात्रा गर्दै मात्र रमाउनका लागि र अनुभव बटुल्नका लागि यात्रा गर्ने गर्छन् । आफ्नो विचारलाई खुला राख्नुहोस् । याद राख्नुहोस्, परिवर्तन मात्र एउटा यस्तो चिज हो जुन सधैं उस्तै रहन्छ, अर्थात् परिवर्तन नै भइरहन्छ ।


gita-3

हरेक व्यवसायीका लागि आफ्नो क्रोधमाथि नियन्त्रण राख्नु अति नै आवश्यक हुन्छ । रीससँगै हाम्रो सोच्न सक्ने क्षमतामा ह्रास आउँछ र हामी द्विविधामा पर्ने सम्भावना बढ्छ । जब क्रोधमा हुन्छौं हामी तब दोधारेपन आउँछ र दोराधेपनले सृजना गरेको तनावले हाम्रो सोच्न सक्ने क्षमतामा कमी ल्याउँछ । यस्तो अवस्थामा हामी आफ्नो गोल र उद्देश्यबाट वञ्चित हुन पुग्छौं । कुनै पनि मानिसले जसले आफ्नो गोल या उद्देश्य बिर्सन्छ ऊ जीवनमा भौतारिन पुग्छ र उनीहरुले सफलता पाउन सक्दैनन् । यसकारण, मानिसहरुले आफूलाई रीसबाट टाढा राख्न जरुरी हुन्छ । यसको सामान्य समाधान भनेकै केन्द्रित रहनु नै हो । कहिल्यै पनि आफ्नो गोलबाट आफ्नो ध्यान नहटाउनुहोस् र धैर्य गर्ने क्षमतालाई नजरअन्दाज नगर्नुहोस् ।


gita-4

हरेक कुराप्रति उदार र खुल्ला विचार राख्ने बानीको विकास गर्नुपर्छ र साथै कुनैपनि कुरासँग धेरै जोडिनु पनि हुँदैन । कुनै पनि कुरासँग धेरै जोडिँदा त्यसले हामीलाई काम गर्ने शक्ति र माया त दिन्छ तर त्यसले हाम्रो परिधिलाई पनि संकुचित बनाइदिन्छ । धेरै चाहना र लगावले लोभलाई जन्म दिन्छ । लोभले आफ्नो सही सपना र गोलबाट टाढा लैजान्छ । त्यसैले आफ्नो कामसँग पनि अत्यधिक लगाव राख्नु हुँदैन, यसले तपाईको व्यवसायिक यात्रालाई कष्टकर र छिटै नै बन्द गराउन सक्छ । बजारमा के भइरहेकोछ भन्ने कुरालाई लिएर सधैं खुला विचार र धारणा राख्नुपर्छ । आफ्नो गोलप्रति दृष्टि लगाइ राख्नुहोस् तर त्यसका लागि मरिहत्ते पनि नगर्नुहोस् ।


gita-5

यो एउटा सामान्य श्लोक हो जसमा एकदमै गहिरो अर्थ लुकेको छ । यो एक प्रकारको श्राप जस्तो पनि हो जस्तो कि कुनै पनि लुकेको कुरा दृष्टिभ्रम गर्ने खालको हुन्छ । उदारहणका लागि, आगो धुँवाबाट ढाकिएको हुन्छ, जसले हामीलाई त्यहाँ नजिक पुग्नबाट रोकिरहेको हुन्छ, हामी त्यसलाई नहटाई त्यो भित्र के लुकेको छ देख्न सक्दैनौं । त्यसै गरी ज्ञान पनि इच्छाभित्र लुकेको हुन्छ, त्यो इच्छालाई हामीले नदेखेको जस्तो गर्नुपर्छ कि त त्यसलाई त्याग्नुपर्छ । हामीले इच्छा र लोभहरुको पर्दालाई वेवासता गरेपछि पाउनेले ज्ञानले मात्र हामीलाई अगाडि बढ्न मद्दत गर्छ । यो पक्कै पनि सजिलो छैन तर ज्ञानी मान्छेले सजिलै के कुरा ग्रहण गर्ने र के कुरालाई छोड्ने भन्ने कुरा जानेको हुन्छ ।
१२ असार २०७३, १२.३०

वि.सं.२०७३ असार १२ आइतवार १२:२४ मा प्रकाशित

You can share this post!

पाकिस्तानको जस्तो जलवायु नरसंहार कहिल्यै देखेको थिइन-महासचिव गुटेर्रेस

पाकिस्तानको जस्तो जलवायु नरसंहार कहिल्यै देखेको थिइन-महासचिव गुटेर्रेस

वि.सं.२०७९ भदौ २६ आइतवार ०९:०३

काठमाडौ, २६ भदौसंयुक्त राष्ट्र संघका महासचिव एन्टोनियो गुटेर्रेसले बाढीग्रस्त पाकिस्तानको...

मेश थापा र आशा लामाको दशैँ गीत ‘आउन पाईन सम्झेर नरुनु’ सार्वजनिक

मेश थापा र आशा लामाको दशैँ गीत ‘आउन पाईन सम्झेर नरुनु’ सार्वजनिक

वि.सं.२०७९ भदौ २४ शुक्रवार १६:११

काठमाडौं, २४ भदौ । गायक रमेश थापा र गायिका आशा...

ब्याजदरमा भद्र सहमति, अभद्र व्यवहार किन ? आफ्नो प्रश्न आफै अनुत्तरित !

ब्याजदरमा भद्र सहमति, अभद्र व्यवहार किन ? आफ्नो प्रश्न आफै अनुत्तरित !

वि.सं.२०७९ भदौ १६ बिहीवार ०७:५१

मनोज ज्ञवाली बैकिङ्गको निक्षेप रकममा अपेक्षित सुधार भएको छैन। गत...

‘नयाँ ट्याक्सीको दर्ता खोल्दा एकाधिकार तोडिन्छ, जनता ठगिने काम पनि रोकिन्छ’

‘नयाँ ट्याक्सीको दर्ता खोल्दा एकाधिकार तोडिन्छ, जनता ठगिने काम पनि रोकिन्छ’

वि.सं.२०७८ चैत २१ सोमवार ०८:३२

अनुषा थापा,  कसैलाई अस्पताल जानपप्यो वा कोही हतारोमा छ भने...

‘अब हरेक नागरिकले राज्यलाई कर तिर्न सुरु गरौं, विकासका लागि विदेशी ऋणको आवश्यकता पर्दैन’

‘अब हरेक नागरिकले राज्यलाई कर तिर्न सुरु गरौं, विकासका लागि विदेशी ऋणको आवश्यकता पर्दैन’

वि.सं.२०७८ चैत १७ बिहीवार १२:२३

अनुषा थापा, नेपाल सरकारले विदेशी राष्ट्रसंग लिएको ऋण बढ्दो छ...

‘राज्यले नेपाली विद्यार्थी बाहिर नपठाउने हो भने अर्थतन्त्रमा सुधार हुन्छ’

‘राज्यले नेपाली विद्यार्थी बाहिर नपठाउने हो भने अर्थतन्त्रमा सुधार हुन्छ’

वि.सं.२०७८ चैत १४ सोमवार १३:१७

अनुसा थापा, भक्तपुर पछिल्लो समय धेरैजसोको आकर्षित मुलुक अमेरिका र...