काठमाडौं । केपी ओली नेतृत्वमा आउँदो २०७३ मंसिरमा स्थानीय चुनाव, त्यसपछि प्रचण्डको नेतृत्वमा प्रादेशिक चुनाव, अनि त्यसपछि शेरबहादुर देउवाको नेतृत्वमा केन्द्रीय संसदको चुनाव । प्रधानमन्त्री केपी ओलीले तयार पारेको फर्मुला हो यो ।
यो फर्मुला अनुसार हरेक सरकारमा मधेसवादी दलहरु स्वत सहभागी हुनेछन्, उनीहरुले खाइलाग्दो मन्त्रालय पनि पाउनेछन् । यस्तो फर्मुला ओलीले कांग्रेसका शेरवहादुर देउवादेखि प्रचण्डसम्मलाई प्रस्ताव गरेको उच्च स्रोतहरुको दावी छ ।
ओलीले यस्तो प्रस्ताव लगाए पनि सत्ता राजनीति भने झनझन पेचिलो हुँदै गएको छ । पेचिलो बन्दै गएको राजनीतिमा प्रधानमन्त्री केपी ओली बलियो बन्दै गएको कि कमजोर बन्दै गएको भन्ने आंकलन हुन थालेको छ ।
प्रधानमन्त्री ओलीको किचन कोटारीमा रहेकाहरु भन्दैछन् – अब हामी कमजोर हुँदै गयौँ । उनीहरुका अनुसार ओलीलाई कमजोर बनाउन र गलाउन शेरबहादुर देउवा र प्रचण्ड दुवैजना सुनियोजित रुपमा लागिपरेका छन् ।
गिराउन नसकेपछि कमजोर बनाउने, गलाउने, थकाउने र अनेक गल्ती गर्न लगाउने रणनीति देउवा र प्रचण्डले बनाएको बालुवाटारमो ठहर छ ।
ओलीलाई थकाउने रणनीतिमा देउवा प्रचण्डको मत मिले पनि प्रचण्डलाई प्रधानमन्त्री बनाउन शेरबहादुर अझै तयार भएका छैनन्, प्रचण्ड र देउवाबीच बार्गेनिङ चलेको चल्यै छ । यहि कारण ओलीको पद बाहिरबाट हेर्दा खतरामा परेको देखिदैन तर भित्रभित्रै खेलोमेलो चाहिं ओलीलाई गिराएर आफु बन्न नै हो । साँघु साप्ताहिकमा खबर छ ।
प्रकाशितः २०७३ असार १३
वि.सं.२०७३ असार १३ सोमवार १०:२९ मा प्रकाशित