काठमाडौं । दिब्यश्वरी हाइड्रोकोे ३ लाख ६८ हजार २८० कित्ता साधारण सेयर आजदेखि निष्कासन भएको छ । कम्पनीले १०० रुपैयाँ अंकित दरले सर्वसाधारणका लागि साधारण सेयर निष्कासन गरेको हो । कम्पनीको असार १३ गते देखि निष्कासन भएको साधारण सेयरको लागि असार १६ गतेसम्म आवेदन दिन सकिने छ ।
सेयर निष्कासनको बिक्री प्रबद्र्धकका रुपमा एस क्यापिटल रहेको छ । कम्पनीले गत बुधबार धितोपत्र बोर्डबाट सेयर निष्कासनको अनुमति पाएको थियो ।
सर्वसाधारण समूहको लागि छुट्याएको ३ लाख ९६ हजार कित्ता सेयर मध्ये ७ हजार ९ सय २० कित्ता सेयर कर्मकारीका लागि र १९ हजार ८०० कित्ता सेयर सामूहिक लगानी कोषहरुलाई बाडफाँट गरिएको छ ।
सर्वसाधारण लगानीकर्ताले न्युनतम ५० कित्ता र अधिकतम १ हजार कित्तासम्म आवेदन दिन पाउने भएका छन् ।
सेयर निष्कासनपछि कम्पनीको चुक्ता पुँजी २६ करोड ४० लाख रुपैयाँ पुग्नेछ ।
कहाँ–कहाँबाट दिन सकिन्छ आवेदन
कम्पनीको सेयर निष्कासन तथा बिक्री प्रबन्धक एस क्यापिटल रहेको छ र यो कम्पनीको सेयर किन्न एस क्यापिटल लिमिटेड लालदरबार, एस डेभलपमेन्ट बैंकका नक्साल, किर्तिपुर, चावहिल, न्युरोड, जावलाखेल, कौशलटार, वीरगञ्ज, चितवनको पर्सा र नारायणगढ, मोरङको उर्लाबारी, प्युठानको विजुवा बजार र संखुवासभाको खाँदबारीमा आवेदन बुझाउन सकिने छ ।
त्यस्तै त्रिवेणी विकास बैंकको इटहरी र विराटनगर शाखा, एक्सेल डेभलपमेन्ट बैंकको विर्तामोड शाखा, एभरेष्ट फाइनान्सको सिद्धार्थनगर शाखा, गरिमा विकास बैंकको महेन्द्रपुल शाखा, मालिका विकास बैंकको धनगढी र कञ्चनपुर शाखामा पनि आवेदन दिन सकिने कम्पनीले जनाएको छ ।
प्रकाशितः २०७३ असार १३
वि.सं.२०७३ असार १३ सोमवार ११:१८ मा प्रकाशित