काठमाण्डौं । केही दिन अघि युट्युबबाट सार्वजनिक भएको हिन्दी सर्ट फिल्म ‘कृति’ नेपाली सर्ट फिल्म ‘बब’बाट चोरिएको भनिएपछि कृतिका निर्देशक एवं निर्माता शिरिष कुन्दरले नेपाली निर्देशकलाई नै उल्टै मानहानीको मुद्दा दायर गरिदिएका छन् ।
२४ वर्षीय अनिल न्यौपानेले बनाएको ‘सिजोफ्रेनिया’ रोग लागेको पात्र र उनकी प्रेमिकाको कथामा आधारित १३ मिनेट लामो नेपाली फिल्म ‘बब’ बाट शिरिष कुन्दरले निर्देशन गरेको १८ मिनेट लामो यो फिल्म ‘कृति’ बनाइएको हो ।
शिरिष चर्चित कोरियोग्राफर तथा निर्देशक फराह खानका पति हुन् । चलचित्र ‘कृति’ र ‘बब’ को कथा र विषयवस्तु मात्र मिल्दैन, यसका अधिकांश दृश्य र कतिपय संवाद पनि उस्तै छन् । आफ्नो चलचित्र चोरिएको थाहा पाएपछि नेपाली निर्देशक अनिल न्यौपानले फेसबुकमा शिरिषलाई खुल्ला पत्र लेखेका थिए ।
१४ असार २०७३, १०।००
वि.सं.२०७३ असार १४ मंगलवार १२:०९ मा प्रकाशित