काठमाण्डौं । १०० पूर्णाङ्कको परीक्षामा कति नम्बरसम्म आउलारु ९८, ९९ वा सतप्रतिशत १०० मा १०० नै।तर, भारतको मध्यप्रदेशको एक विश्वविद्यालयले एक छात्रालाई १०० अंकको विषयमा ५२५ अंक दिएको फेला परेको छ।भारत मध्यप्रदेशको रीवाका अवधेश प्रताप सिंहले विश्वविद्यालयकी एक छात्रालाई अर्थशास्त्र विषयमा १०० पूर्णाङ्कको परीक्षामा ५२५ अंक दिएका छन्।यतिमात्रै होइन, १०० पूर्णाङ्कको विषयमा ५२५ अंक पाएकी उनले कूल ४५० पूर्णाङ्कमा ७२७ नम्बर ल्याएकी छिन्। उनी हुन् शिखा त्रिपाठी जसले बीए प्रथम वर्षको परीक्षा दिएकी थिइन्।
शिखा सतना रामपुर बघेलानको सरकारी कलेजकी विद्यार्थी हुन्, जुन कलेज अवधेश प्रताप सिंहसँग कार्यरत विश्वविद्यालय अन्तर्गतको हो। जम्मा ४५० पूर्णाङ्कको परीक्षामा ७२७ नम्बर पाएकी शिखा अलमलमा परेकी छिन् कि उनी पास वा फेल के भइन् भन्ने।
शिखाले भनिन्,‘यो सबै विश्वविद्यालयको गल्ती हो। यस्ता खालका गल्ती धेरै हुन्छन्। कहिले कोहीलाई अनुपस्थित भएको भनेर आउँछ, कहिले मार्कसिटमा अंक नै चढाएको हुँदैन। यो सब झन्झट सामना गर्नुपरिरहेको छ।’
शिखाको बीए प्रथम वर्षको मार्कसिटमा एउटै विषयमा ५२५ र जम्मा ४०५ पूर्णाङ्कको परीक्षामा ७२७ अंक आएपछि यसबारे विश्वविद्यालयले छानविन समिति बनाएको छ।
प्रकाशितः बीबीसी हिन्दीबाट, २०७३ असार १५
वि.सं.२०७३ असार १५ बुधवार ११:०९ मा प्रकाशित
