काठमाडौ । अविरल वर्षाले निर्माणाधीन चन्द्रागिरी केबलकारको रिसोर्ट बनाउन खनेको माटो बगाउँदा काठमाडौ, चन्द्रागिरी नगरपालिका अन्तर्गत थानकोट, चेकपोष्टका झन्डै आधा दर्जन घर जोखिममा परेका छन् ।
चन्द्रागिरी नगरपालिका स्थित वडा नं ९ र १० भएर बग्ने खोलामा एक्कासी लेदो माटो सहित पानीको बहाब बढे पछी वरिपरिका बासिन्दा त्रासमा छन् भने पक्की सडक र नहरमा नराम्ररी क्षति पुगेको स्थानीयहरु बताउँछन् । अकस्माथ खोला र सडकमा लेदोको भेल आएपछी आत्तिएका केहि सर्बसाधारण घाइते समेत हुन पुगेका छन् ।
माटो संगै बगेको रुख ढुङ्गाले खोलाको सतह बढेको छ ।
जिल्ला बन अधिकृत डा. इन्द्रप्रसाद सापकोटाले एक हप्ता अघि नै सम्बन्धित कम्पनीलाइ काम रोक्न पत्र काटीसकेको जानकारी दिएको बताए । त्यस्तै उनले सामुदायिक बनमा भएको क्षति यकिन गरेर क्षतिपूर्तिको लागि ताकेता गर्न सकिने कानुनी प्राबधान रहेको जानकारी दिए ।
स्थानियबासीले पटक पटक केबलकार कम्पनीलाइ यस खालको खतराको बारेमा जानकारी गराउँदा समेत दुर्घटना भइसकेपछी मात्र माटो पन्छाउन ताकेता गर्ने गरेको स्थानीयको गुनासो रहेको छ ।
सम्बन्धित केबलकार कम्पनी चन्द्रागिरी हिल्स लिमिटेडसँग कुरा गर्दा निर्माणाधिन रिसोर्टको मात्र माटो नभएको घुमाउरो जबाफ दिएको छ ।
श्रीहरि थापा,थानकोट
प्रकाशित मिति ः २०७३ असार १९
वि.सं.२०७३ असार १९ आइतवार १८:०७ मा प्रकाशित
