जनकपुर । देश भरी यस वर्षको एसएलसी परक्षिामा उत्तीर्ण ९२ मुसहर विद्यार्थीलाई भोरद्वारा संयोजित शक्तिहिनको सशक्तिकरण : मुसहर समुदायको समग्र उत्थान अभियानले सम्मान गरेको छ । कार्यक्रमका प्रमुख अतिथी पुर्व राष्ट्रपति डा. राम वरण यादवले जनकपुरधाममा सम्मान गरेका हुन् ।
उच्च शिक्षा अध्ययन गर्न सहयोग घोषणा कार्यक्रममा सम्मान गरिएको आयोजकले जनाएको छ । नेपाल राष्ट्रिय मुसहर संघका अध्यक्ष चन्देश्वर सदाको सभापतित्व, पूर्व राष्ट्रपति डा. राम वरण यादवको प्रमुखअतिथ्य, शिक्षाविद् भोगेन्द्र झा तथा रामभारोष कापडीको आतिथ्यमा उक्त कार्यक्रम सम्पन्न थियो । कार्यक्रममा झापादेखि नवलपरासी सम्माका ३०० भन्दा बढी मुसहर विद्यार्थी तथा अभिभावकहरु सहित विभिन्न क्षेत्रका समाजसेवी तथा सरोकारवालाहरुको सहभागिता थियो ।
पुस्तौंदेखिको चरम गरिबीको चपेटामा रहेका मुसहर समुदाय अहिले पनि ३ प्रतिशतको हाराहारीमा मात्र शिक्षित रहेको तथ्यांकहरुले देखाउँछ । मुसहर समुदायको समग्र उत्थानको लागि र उनीहरुलाई शिक्षा हासिल गर्न प्रोत्साहन मिलोस भन्ने अभिप्रायले भोरले यस्तो सम्मान कार्यक्रम २०६९ साल देखि नै गर्दै आई रहेको छ ।
विद्यार्थीहरुलाई प्रोत्साहन पत्र, गमछा, माला र अबीर लगाएर सम्मान गरिएको थियो । भोरद्वारा २०६९ मा पहिलो पटक सम्मान गर्दा कुल ३ जना दोश्रो वर्ष ७ जना, तेश्रो वर्षमा ९ जना विद्यार्थीहरु सम्मानीत भएका थिए । विगतका वर्षहरुमा सम्मानीत भएका विद्यार्थीहरु भोरद्वारा संयोजित छात्रवृतीको सहयोगले उच्च शिक्षा हासिल गरिरहेका छन् ।
शिक्षाको उज्यालोबाट पुस्तौदेखि बन्चित मुसहर समुदायलाई अगामी ५ वर्ष भित्र पुर्ण शिक्षित पार्न र सम्पूर्ण बालबालिकाहरु र युवाहरुलाई विद्यालय र कलेजमा अध्यययन गराउन सहयोग गर्न भोरले रु. ५१,००० आफनो तर्फबाट योगदान गरी दीनाभद्री छात्रवृती कोषकोस्थापना गरेको भोरका अध्यक्ष राजकुमार महतोले जानकारी दिए गरे ।
१९ असार २०७३
वि.सं.२०७३ असार १९ आइतवार १९:२३ मा प्रकाशित
