काठमाण्डौं । दानाको भाउ बढेको जनाउँदै कुखुरा उत्पादकले आजबाट कुखुराको मासुको मूल्य बढाएका छन् । दाना उत्पादक संघका अनुसार दानाको भाउ प्रति किलो ९ रुपैयाँले बढेको छ भने कुखुराको मासुको मूल्य प्रति किलो रु १५ रुपैयाँले बढेको छ ।
दानाको मुल्य प्रति किलो ३१ रुपैयाँ पुगेको छ । गत वर्षको असार महिनामा दानाको भाउ किलोको २२ रुपैयाँ थियो । दानाको उत्पादन नेपालमै हुने भएपनि यसका लागि चाहिने ७५ प्रतिशत कच्चा पदार्थहरु भारतबाट आयात हुने गरेका छन् ।
वर्षासँगै कुखुराको मासुको खपत बढ्ने गर्छ । मासुको खपत बढेपछि व्यापारीले मासुको भाउ बढाएका हुन् । कुखुराको मासुको मूल्य बढेपनि अण्डाको मूल्य स्थिर छ।
२० असार २०७३, १।००
वि.सं.२०७३ असार २० सोमवार १४:५६ मा प्रकाशित
