काठमाडौं । कपोरेट बिजनेश म्याग्जिन र सिने मनबल इन्टरप्राईजेज प्रालिको सहकार्यमा चलचित्र युनिटी निर्माण हुने भएको छ । चलचित्र निर्माणका लागि कर्पोरेट म्याग्जिनका प्रकाशक सम्पादक उज्वलजंग शाह र सिने मनबल इन्टरप्राईजेज प्रा.लि.का अध्यक्ष लक्ष्मी प्रसाद ढकालबीच निर्माणसम्बम्धि सम्झौतामा हस्ताक्षर सम्पन्न भएको छ ।
दुबै कम्पनी मिलेर निर्माण गर्ने यो चलचित्रको छायाँकन भदौको पहिलो साताबाट सुरु गरिने भएको छ ।
चलचित्रको आलेख लेखन कार्य सम्पन्न भएर अहिले कलाकार छनौटको कार्य भईरहेको छ । यो चलचित्रको निर्देशन सञ्चारकर्मी डब्बु क्षेत्रीले गर्दैछन् । २०६० को दशकमा नेपालमा फस्टाएको पिरामिड शैलीको नेटवर्किङ व्यबसायले करिब १५ लाख नेपालीहरु ठगिए ।
नेटवर्किङ व्यबसायमा पनि सबै भन्दा अग्र पंक्तिमा रहेको युनिटी इन्सुरेन्सलाई सरकारले अबैध घोषणा गरेपछि उनीहरु पक्राउ मात्र परेनन्, अहिले जेलमा छन् । युनिटी सहित बाँकी नेटवर्किङको उदय देखि पतनसम्मको कथामा यो चलचित्र निर्माण गर्न लागिएको हो ।
प्रकाशित मिति ः २०७३ असार २०
वि.सं.२०७३ असार २० सोमवार १४:५८ मा प्रकाशित
