back

अर्बपति एक हजामको कथा : जो आज पनि ६५ रुपैयाँमा कपाल काट्छन् !

Kumari bank ad

जी. रमेश बाबु, एक त्यस्ता हजाम हुन् जसले सन् १९९४ मा आफ्नो व्यवसाय सुरु गरे र जोगाएर राखेको पैसाबाट एउटा मारुती भ्यान किने, अहिले उनी अर्बपति भएका छन्, उनीसँग अहिले २ सयवटा लक्जरियस कारहरु रहेका छन् । हामीले आज यहाँ तिनै रमेश बाबुको कथा प्रस्तुत गरेका छौं जो अझै पनि कपाल काट्ने काम गर्छन् ताकि उनले कुनै पनि दिन आफ्नो सुरुवात नबिर्सिउन् । प्रायः हरेक दिन उनी आफूले काम गर्ने ठाउँमा भारु तीन करोडभन्दा बढी पर्ने रोल्स रोयस गोस्ट चढेर आउने गर्छन् ।

यो एउटा प्रेरणादायी कथा हो जसले आजको जस्तो संघर्षको समयमा पनि आफ्नो मेहेनत, इमान्दारी र दूरदर्शिताले झुपडीबाट उडेर अर्बपतिमा आफ्नो नाम बनाउन सफल भए । मर्सिडिज, बीएमडब्लु, अडी, ५ देखि १० सिटका लक्जरी भ्यान मात्रै उनीसँग ७५ वटा छन् । उनका क्लाईन्स्हरु राजनीतिज्ञदेखि बलिउडका स्टारहरु सलमान खान, आमिर खान, ऐश्वर्या राय बच्चन आदि पर्दछन् । उनी आफ्नो कारहरु पनि भाडामा लगाउँछन्, उनका कारहरु थोरैमा भारु १ हजारदेखि भारु ५० हजारसम्म दैनिक भाडामा जाने गर्छन् ।

त्यसो त उनको जिन्दगी यसरी नै सुख सयलबाट सुरु भएको छैन । उनले पनि आफ्नो जिन्दगीमा आफ्नो भागको दुःख भोगेका छन् । उनी मात्र ७ वर्षका थिए, जब उनका पिता पी. गोपाल जो पेशाले हजाम नै थिए, उनको निधन भयो । उनले त्यही एउटा कपाल काट्ने पसल छाडेर गएका थिए । उनका पितालाई के थाहा, उनले ७ वर्षको नहुँदै अथान छाडेर गएका उनका छोरा ४० वर्ष नपुग्दै अर्बपति बन्छन् भन्ने ।

श्रीमान्को निधनपछि उनकी आमाले अर्काको घरमा भान्छेको रुपमा काम गरिन्, आफ्नो छोराछोरीको शिक्षादिक्षाका लागि उनले यस्तो कदम चालेकी थिइन् । उनी आफैले हजाम काम गर्न सक्दिनथिइन्, त्यसैले उनले दैनिक भारु ५ मा त्यो पसल भाडामा दिएकी थिइन् । त्यो समयमा हामी एक छाक मात्र खाना खाने गथ्र्यौ, रमेश बाबु आफ्नो बाल्यकाल सम्झन्छन् ।

जब उनी अलि बुझ्ने हुँदै गए, तब उनलाई जिम्मेवारीबोध हुन थाल्यो । उनी अझै पढुँ या घरव्यवहार चलाउनका लागि आमालाई सघाउ भन्ने दोधारमा पर्न थाले । तर उनको आमाको करबलले नै उनले अध्ययनलाई निरन्तरता दिए र डिप्लोमासम्म अध्ययन गरे । त्यतिबेलासम्म उनीहरुको त्यो हजाम पसल अत्यन्त न्यून मूल्यमा भाडामा नै दिइएको थियो । त्यसपछि सन् १९८९मा उनले त्यो पसल आफै चलाउने विचार गरे, त्यो उनको हजुरबुवाले स्थापना गरेको पसल थियो ।

पसलमा काम गर्दै गर्दा उनले सधैं आफ्नो एउटा कार होस् भन्ने सपना देख्थे । त्यसपछि उनले आफ्नो केही पैसा बचत गरेर र केही ऋणमा लिएर मारुती ओम्नी किने । त्यसपछि त्यसलाई भाडामा दिन थाले । त्यो उनको एउटा उपाय थियो, जसले गर्दा कार पनि होस् र कार किन्दा लागेको ऋण पनि तिर्न सकियोस्, तर त्यो एउटा उपाय कार भाडामा दिने सफल व्यवसायमा परिणत भयो ।

सन् २००४ मा भारत सरकारले पर्यटन क्षेत्रलाई खुला गरेपछि रमेश बाबुले कार भाडामा लगाउने र भाडामा आफै चलाउने व्यवसायको सुरुवात गरे । त्यसपछि उनले खोलेको कम्पनी रमेश टुर्स एण्ड ट्राभल्सले कहिल्यै फर्किएर हेर्नु परेन । ‘मैले आफ्नो कारहरु साना लोकल कम्पनीहरुलाई भाडामा दिन सुरु गरें, यो व्यवसाय राम्रो चल्यो । त्यसपछि मैले ठूलो कदम चालें र ई क्लास मर्सिडिज किनें । त्यतिबेला त्यस्तो कुनै ट्याक्सी भाडामा दिने कम्पनी थिएन, जसले लग्जरी करहरु भाडामा दिओस्’ उनी सम्झन्छन् ।

त्यस समयदेखि रमेश बाबु कहिल्यै रोकिएनन्, बलिउडका हस्तीहरुदेखि राजनीज्ञहरुले समेत उनको गाडी भाडामा लिएर चलाउन थाले । उनी अमिताभ बच्चन, शाहरुख खान लगायतले उनको गाडी भाडामा लिएर चलाएको बताउँछन् ।

रमेश बाबु अहिले अर्बपति बनिसकेका छन् तर पनि उनी अझै आफ्नो कपाल काट्ने पसलमा जान्छन् र कपाल काट्छन् । उनी हरेक बिहान ६ बजे आप्mनो ग्यारेजमा जान्छन्, त्यसपछि १०.३० मा अफिसमा पुग्छन् र साँझ ५.३० मा उनी सैलुनमा जाने गर्छन् । ‘अझै पनि मेरा त्यस्ता क्लाइन्टहरु छन् जो विशेष गरी मेरै हातबाट कपाल काट्न रुचाउँछन्, उनीहरु कोलकाता र मुम्बईका छन्’ उनी भन्छन् ।

रमेशले आफ्नो दुई छोरी र एक छोरालाई पनि कपाल काट्ने सीप सिकाएका छन् । उनी परिवारसँग कतै घुम्न गएको र चाडपर्वको बेला बाहेक कहिल्यै पनि बिदामा बस्ने या आराम गर्ने गर्दैनन् । उनलाई लाग्छ काम भनेको पूजा हो, कामबाट नै रोजी रोटी आउँछ ।

आज पनि, अर्बपति बनिसकेको अवस्थामा पनि उनले आफ्नो अस्तित्व र आफ्नो विगतलाई बिर्सिएका छैनन् । उनी आफ्नो रेगुलर कस्टमरलाई जम्म भारु ६५ मा कपाल काटिदिन्छन् । रमेश बाबु आफ्नो सफलताको श्रेय आफूलाई जे राम्रो लाग्यो त्यो गर्नुलाई नै दिन्छन् । ‘मैले जे गरें, मैले त्यो राम्रोसँग गरें, त्यति नै हो’ उनी मुस्कानका साथ जवाफ दिन्छन् ।

 

– प्रस्तुति इरादा पहाडी, एजेन्सीको सहयोगमा

२० असार २०७३, ४।००

 

वि.सं.२०७३ असार २० सोमवार १९:४५ मा प्रकाशित

You can share this post!

प्रसूति गृहबाट हराएको शिशु काँडाघारीमा फेला   

प्रसूति गृहबाट हराएको शिशु काँडाघारीमा फेला   

वि.सं.२०८० फागुन १२ शनिवार १२:१८

काठमाडौँ, १२ फागुन : काठमाडौँको थापाथलीस्थित परोपकार प्रसूति गृह तथा...

तीन करोडभन्दा साना योजना प्रदेश र स्थानीय तहमा पठाउँछौँ : प्रधानमन्त्री   

तीन करोडभन्दा साना योजना प्रदेश र स्थानीय तहमा पठाउँछौँ : प्रधानमन्त्री   

वि.सं.२०८० फागुन १२ शनिवार १२:१५

काठमाडौँ, १२ फागुन : प्रधानमन्त्री एवं नेपाल कम्युनिष्ट पार्टी (माओवादी...

नेपाल टेलिकमले निः शुल्क इन्टरनेट सेवा उपलब्ध गराउने  

नेपाल टेलिकमले निः शुल्क इन्टरनेट सेवा उपलब्ध गराउने  

वि.सं.२०८० फागुन १२ शनिवार ०७:१९

काठमाडौँ, ११ फागुन : नेपाल टेलिकमले नेपालभित्र सञ्चालित ३४ विमानस्थलमा...

४० मेगावाट क्षमताको  तनहुँ जलविद्युत् आयोजनाको पचास प्रतिशत काम सकियो   

४० मेगावाट क्षमताको  तनहुँ जलविद्युत् आयोजनाको पचास प्रतिशत काम सकियो   

वि.सं.२०८० फागुन १२ शनिवार ०७:१३

दमौली (तनहुँ), ११ फागुन : तनहुँको ऋषिङ गाउँपालिका–१ मा निर्माणाधीन...

मिटरब्याज पीडितको जायज माग सम्बोधन हुन्छ : गृह मन्त्रालय  

मिटरब्याज पीडितको जायज माग सम्बोधन हुन्छ : गृह मन्त्रालय  

वि.सं.२०८० फागुन १२ शनिवार ०७:०७

काठमाडौँ, ११ फागुन : देशका विभिन्न स्थानबाट पैदलयात्रा (न्याय मार्च)...

कुन राशिको कस्तो छ ? हेर्नुहोस् आजको राशिफल

कुन राशिको कस्तो छ ? हेर्नुहोस् आजको राशिफल

वि.सं.२०८० फागुन १२ शनिवार ०७:०१

मेष मेष (चु, चे, चो, ला, लि, लु, ले, लो,...