मुस्ताङ । मुस्ताङ सदरमुकाम जोमसोमनजिकै ठिनी गाउँमा हालै नयाँ गुफा भेटिएको छ । जोमसोम वडा नं –१, २, ३ र ४ मा पर्ने ठिनी गाउँमा केही समयअघि मात्र दुईवटा गुफा पत्ता लागेका थिए ।
उक्त गुफाको नाम स्थानीयवासीले ‘लियोपार्ड केभ’ (चितुवा गुफा) राखेका थिए । गुफा भेटिएसँगै त्यसको अवलोकन गर्न थुप्रै आन्तरिक पर्यटक घुम्न आउने गरेका छन् । अन्नपूर्ण संरक्षण क्षेत्र आयोजना, इलाका संरक्षण कार्यालय (एक्याप) जोमसोमको आर्थिक सहयोगमा जनमुक्ति युवा क्लबले ठिनी गाउँदेखि गुफासम्म पुग्ने बाटो मर्मतका क्रममा उक्त नयाँ गुफा भेटिएको हो ।
अहिले मुस्ताङमा छोटो अवधिमै तीनवटा गुफा भेटिएको छ ।” यी गुफा प्राचीनकालको भएको स्थानीयवासीको भनाइ छ ।
ठिनी क्षेत्रमा चितुवा र हिउँ चितुवा गरी दुवै खालका चितुवा पाइन्छन् । मुस्ताङका माथिल्लो भागमा यस्ता गुफा धेरै सङ्ख्यामा भए तापनि तल्लो भागमा कमै सङ्ख्यामा गुफा छन् ।
प्रकाशितः २०७३ असार २२
वि.सं.२०७३ असार २२ बुधवार ११:३१ मा प्रकाशित
