काठमाण्डौं । यती डेभलपमेण्ट बैंकको हिजो मंगलबार सम्पन्न बैंकको सञ्चालक समितिको निर्णयले ५० प्रतिशत हकप्रद सेयर निष्काशन गर्ने निर्णय गरेको छ । हकप्रद निष्काशनको निर्णय भर्खरै सार्वजनिक भए पनि आज बुधबार सेयर बजारमा बैंकको सेयरमूल्य झण्डै ९ प्रतिशतले बढेको थियो ।
आज नेप्सेको वेबसाइटमा हकप्रद सेयर निस्कासन गर्ने निर्णय आउनु पहिले नै सेयर मूल्य २ सय ८४ रुपैंयाबाट बढाएर ३ सय ९ रुपैंया पुर्याइएको थियो ।
गत आर्थिक वर्षको चैतमा ५ करोड रुपैंया खुद नाफा गरेको बैंकले यस पटक नाफा १५ करोडले बढाएर २० करोड ९८ लाख रुपैंया पुर्याएको छ । बैंकले यस अवधिमा ९ अर्ब २७ करोड निक्षेप संकलनगरी ८ अर्ब ३ करोड कर्जा लगानी गरेको छ । एक अर्ब ३८ करोड चुक्तापुँजी रहेको बैंकको जगेडा कोष अझैपनि करिब १३ करोडले ऋणात्मक रहेको छ ।
२२ असार २०७३, ४।००
वि.सं.२०७३ असार २२ बुधवार १७:२२ मा प्रकाशित