म्याग्दी । नदीमा बाढी आएपछि म्याग्दीको नारच्याङस्थित दुई मेघावाट क्षमत्ताको तातोपानी साना जलविद्युत् आयोजना र मुस्ताङको कोवाङमा रहेको २४० किलोवाट क्षमत्ताको चोकोपानी जलविद्युत् आयोजना बन्द भएका छन् ।
आयोजना बन्द हुँदा उत्तरी म्याग्दी र मुस्ताङ जिल्लामा विद्युत् आपूर्ति अनियमित भएको छ । गत वर्ष फागुन १२ गते अन्नपूर्ण हिमालको फेदीमा आएको सुख्खा पहिरोका कारण निलगिरी खोलामा निरन्तर रुपमा ढुङ्गा माटो सहितको लेदो आउने गरेकाले तातोपानी साना जलविद्युत् आयोजना प्रभावित हुन पुगेको हो ।
यसैगरी नहरमा बाढी पसेपछि मुस्ताङमा रहेको एकमात्र चोकोपानी जलविद्युत् आयोजना पनि बिहीबारदेखि बन्द भएको छ । दुईवटै आयोजना बन्द भएपछि उत्तरी म्याग्दीका पाँचवटा गाविस र मुस्ताङ जिल्लामा विद्युत् आपूर्ति अवरुद्ध बनेको छ ।
२४ असार २०७३, १२।४५
वि.सं.२०७३ असार २४ शुक्रवार १३:४७ मा प्रकाशित
