काठमाण्डौं । जलविद्युत लगानी तथा बिकास कम्पनीको सर्वसाधारणमा निष्काशन गरिएको २ करोड कित्ताको १० प्रतिशत सेयर डिम्याट नभएपछि सेयर कारोबार अझै केही दिन खुल्न नसक्ने भएको छ । कारोबार खुल्न अझै ४ लाख कित्ता शेयर डिम्याट हुन बाँकी छ ।
कम्पनीको सेयर निष्काशन तथा बिक्रि प्रबन्धक ग्लोबल आइएमई क्यापिटलका अनुसार आज आइतबारसम्ममा कुल १६ लाख कित्ता सेयर मात्र डिम्याट भएको छ । यो सर्वसाधारणमा निष्काशन भएको सेयरको ८ प्रतिशत मात्र हो ।
हालको नयाँ व्यवस्था अनुसार कुनै पनि कम्पनीको १० प्रतिशत सेयर डिम्याट नभई बजारमा सेयर कारोबार नहुने ब्यवस्था छ ।
२६ असार २०७३, १२.००
वि.सं.२०७३ असार २६ आइतवार १२:५५ मा प्रकाशित