म्याग्दी । यहाँको निस्कोट–३ मा रहेको रुम खोला लघुजलविद्युत् परियोजनाको विद्युत्गृहमा बाढी पसेपछि विद्युत् उत्पादन बन्द भएकोछ भने करिब ७ सय घरधुरी प्रत्यक्ष रुपमा प्रभावित भएका छन् ।
सो परियोजनाबाट निस्कोट, रुम, ओखरबोट, देवीस्थान र दरवाङ गाविसका बासिन्दाले विद्युत् सुविधा उपभोग गर्दै आएका थिए । ५१ किलोवाट क्षमताको सो परियोजनाको विद्युत्गृहभन्दा माथि बनाइएको सडकबाट शनिबार राति आएको बाढीले टर्वाइन लगायतका उपकरणमा क्षति भएपछि विद्युत अवरुद्ध भएको हो ।
इलाका प्रहरी कार्यालय दरवाङका प्रहरी, परियोजनाका पदाधिकारी र उपभोक्ताले आइतबार दिनभरि विद्युत्गृहमा पसेको बाढी व्यवस्थापन गरे पनि जोखिम कायमै रहेकाले विद्युत् उत्पादन हुन सकेको छैन् ।
२७ असार २०७३, ९।००
वि.सं.२०७३ असार २७ सोमवार ११:२३ मा प्रकाशित
