काठमाण्डौं । ७ महिना अघि एक आपसमा गाभिने सम्झौता गरेका बैंक अफ काठमाण्डौं र लुम्बिनी बैंक लाई नेपाल राष्ट्र बैंकको मर्जरको अन्तिम स्वीकृति दिएपछि गाभिएर बनेको नयाँ संस्था बैंक अफ काठमाण्डू लुम्बिनी लिमिटेडको नामबाट भोलि बिहीबारदेखि एकीकृत कारोबार सुरु गर्ने भएको छ ।
बीओके र लुम्बिनी बैंक मर्जर भए पछि शाखा संख्या ६९ तथा एटीएम संख्या ६२ पुगेको छ । अहिले बीओकेको ५१ तथा लुम्बिनीको १८ वटा शाखा सञ्चालनमा छन् । त्यसै गरि बिओकेको ५७ तथा लुम्बिनीको ५ वटा एटिएम काउण्टर सञ्चालनमा छन् ।
नेपाल राष्ट्र बैंकले दुई बैंकलाई मर्जरको अन्तिम स्वीकृति दिने निर्णय गत शुक्रबार गरेको थियो । नयाँ बैंकको कार्यालय कमलपोखरीमा रहने छ ।
२९ असार २०७३, ९।००
वि.सं.२०७३ असार २९ बुधवार ११:१८ मा प्रकाशित
